دوای کۆنەبوونەوەی ئەنجومەنی وەزیران دوو پێشنیار بۆ دابەشكردنی مووچە لە ئارادان

0
1059

SNN-عەلی حەمە سەعید

هەرچەندە دەبوو ئەمڕۆ دەستبەدابەشكردنی مووچەی مانگی تەممووز بكرایە بەڵام بەهۆی پشووەكانی جەژنی قوربان و هاوكات كۆنەبوونەوەی ئەنجومەنی وەزیران دابەشكردنی مووچە دواكەوت، بەرپرسێكی باڵای وەزارەتی دارایش ئاماژە بەوەدەكات دوو پێشنیاریش بۆ شێوازی دابەشكردنی مووچە خراونەتەڕوو.

بە گوێرەی ئەو زانیارییانەی كە لەبەرپرسێكی باڵای وەزارەتی دارایی بە SNNدراون ئەوە خراوەتەڕوو، ئەمڕۆ كۆبوونەوەی ئەنجومەنی وەزیران بەڕێوەناچێت و هاوكات ئەمڕۆ ئاوات شێخ جەناب وەزیری دارایش نەهاتووەتە ناو دیوانی وەزارەت لە كاتێكدا دەبوو ئەمڕۆ دەستبكرایە بە دابەشكردنی مووچە بەڵام بەهۆی پشووی جەژنی قوربانەوە لیستی دابەشكردنی مووچە ڕانەگەیەندرا.

ئاماژەی بەوەشكرد، بەهۆی ئەوەی داهاتی ناوخۆ و داهاتی فرۆشتنی نەوت و خاڵە سنوورییەكان زیادیكردووە لەگەڵ ئەوەشدا 200 ملیار دیناری بەغدا گەیشتووە، بۆیە لە ئێستادا دوو پێشنیار لەلایەن وەزارەتی دارایی ئامادە كراوە بۆ ئەوەی ئەنجومەنی وەزیران بڕیاری كۆتایی لەبارەوە بدات بۆ شێوازی دابەشكردنی مووچە، یەكێك لە پێشنیارەكان دابەشكردنی مووچەیە بە ڕێژەی لە%100 بە بێ‌ لێبڕین، ئەوەی دیكەشیان ئەوەیە كە مووچە بە لێبڕینی لە %5 دابەشبكرێت.

ئەو بەرپرسەی وەزارەتی دارایی ئەوەشی خستەروو، بەهۆی ئەوەی تەنها ئەنجومەنی وەزیران دەستەڵاتی بڕیاردانی هەیە لە بارەی شێوازی دابەشكردنی مووچە و لێبڕین یان لێنەبڕینی مووچە بۆیە دەبێت چاوەڕێی كۆبوونەوەی ئەنجومەنی وەزیران بكەین تا كۆدەبێتەوە كە پێدەچێت كۆبوونەوەی ئەنجومەنی وەزیرانیش بكەوێت ڕۆژی چوارشەممەی ئەم هەفتەیە.

بەشی بکە لە
Previous Next
Close
Test Caption
Test Description goes like this