رێکخراوە ژینگەییەکان لە پێدانی نەمامگە حکومییەکان بە کەرتی تایبەت نیگەرانن

0
272

SNN

رێکخراوێکی ژینگەیی نیگەرانی نیشاندا لە پێدانی نەمامگە حکومییەکان بە کەرتی تایبەت و رایگەیاند “ئەمە دەبێتە هۆی لەناوچوونی بەشێک لە نەمامگەکان”.

پارتی سەوزی کوردستان کە رێکخراوێکی ژینگەییە، ئەمڕۆ لە کۆنفرانسێکی رۆژنامەوانیدا ئەوەی خستەڕوو: “لەگەڵ رێکخراوەکانی ژینگەدا دژی ئەو بڕیارە دەوەستینەوە، لە هەولێر پێنج نەمامگ و لە سلێمانی شەش نەمامگ، لە دهۆک چوار نەمامگ، لە هەریەک لە هەڵەبجە و گەرمیان یەک نەمامگ هەیە کە حکومین و دەخرێنەسەر کەرتی تایبەت”.

ئەو پارتە باسی لەوەکرد کە نەمامگەکان لە رابردوودا شوێنی بەرهەمهێنانی ملیۆنان نەمام بوون، وەک نەمامگەی سەرچنار کە لە ساڵێکدا ملیۆنێک و ٧٠٠ هەزار نەمامی بەرهەمهێناوە، بە نرخێکی هەرزان فرۆشتوویانە، بڕیاری پێدانی بە کەرتی تایبەت زیانێکە کە حکومەت لە ژینگەی دەدات.

باسی لەوەشکرد کە ترسیان هەیە لە چەند ساڵی داهاتوودا زەوییەکانی ئەو نەمامگانە بفرۆشرێت.

بەشی بکە لە
Previous Next
Close
Test Caption
Test Description goes like this