سعودیە بە مەرجی وەرگرتنی ڤاکسینە پەسەندکراوەکان رێگە بە گەشتی عومرە دەدات

0
182

SNN

وەزارەتی حەج و عومرەی سعودیە رایگەیاند: لە مانگی داهاتووەوە رێگە بە گەشتی عومرە دەدرێت، ئەوەش بە مەرجی وەرگرتنی ڤاکسین.

ھاشم سەعید، بریکاری وەزارەتی حەج و عومرە لە سعوودیە، لە لێدوانێکیدا رایگەیاند: “گەشتەکانی عومرە لە دەرەوەی وڵاتەوە لە رێککەوتی 10ی ئاب (سەرەتای مانگی موحەڕەم)وە دەست پێ دەکات”.

ئاماژەی بەوەش کرد کە وەرزی عومرە دەستی پێ کردووە و رێکارەکانی بەرەنگاربوونەوەی ڤایرۆسی کۆرۆنا جێبەجێ دەکرێن و ئەو عومرەکارانەی کە لە دەرەوەی وڵاتەوە دێن، مەرجی وەرگرتنی ڤاکسینيان بۆ دانراوە.

بریکاری وەزارەتی حەج و عومرە لە سعوودیە ئەوەشی وەبیرھێنایەوە کە پێشتر ئەم مەرجەیان لە مانگی رەمەزانی پیرۆزدا بۆ سەردانیکردنی مزگەوتی پیرۆز لە مەککە و مزگەوتی پێغەمبەر لە مەدینە داناوە و جەختی لەوە کردەوە کە دەبێت ئەو ڤاکسينەى كە وەرگیراوە لەلایەن عومرەکارانەوە، ھەمان ئەو ڤاکسینە بێت کە لەلایەن لایەنە پەیوەندیدارەکانی سعوودیەوە پەسەندکراوە.

ھاشم سەعید ئەوەشی خستەڕوو کە رۆژانە 20 ھەزار عومرەکار قبوڵدەکەن.

بەشی بکە لە
Previous Next
Close
Test Caption
Test Description goes like this