بەشێکی دیکەی هاوکارییەکانی هاوپەیمانان رادەستی وەزارەتی پێشمەرگە کرا

0
199

SNN

 لە درێژەی ئەو کۆمەک و ھاوکارییانەی کە ھاوپەیمانان پێشکەش بەھێزی پێشمەرگەی ھەرێمی کوردستانی دەکەن، بەشێکی دیکە لەو ھاوکارییانە گەیشتنە دەست ھێزەکانی پێشمەرگە.

 

بەپێى راگەیەندراوێکی وەزارەتی پێشمەرگە لە رێورەسمێکی تایبەتدا، بەشێکی دیکە لە ھاوکاریی لۆجستی کە پێکھاتبوون لە ئۆتۆمبێلی سەربازیی جەنگیی ھەمەر کۆمەڵێکی دیکە لە ئۆتۆمبێلی خزمەتگوزاریی، فریاکەوتنی تەندروستیی و ئامێری گەیاندن، لەلایەن ھاوپەیمانانەوە پێشکەش بە وەزارەتی پێشمەرگەی ھەرێمی کوردستان کرا.

 

لە رێورەسمەکەدا بەڕێوەبەری میرەی گشتی لە وەزارەتی پێشمەرگە لە وتەیەکدا سوپاسی ھاوپەیمانانی کرد بۆ ئەو کۆمەک و ھاوکارییانەی بە بەردەوامی پێشکەشی ھێزەکانی پێشمەرگەی دەکەن، بەڵێنیشی دا کە بەشێوەیەکی رێکوپێک ئەو ھاوکاریانە بەسەر لیواکاندا دابەش بکات، بەشێوەیەک کاریگەری ھەبێت لەسەر بەھێزکردنی تواناکانیان.

 

ئەوەشخراوەتەڕوو، ئەو ھاوکارییانەی کە پێشکەش بەھێزی پێشمەرگەی ھەرێمی کوردستان دەکرێت لە چوارچێوەی پرۆگرامێکی تایبەتە لەڕێگەی ھاوپەیمانی نێودەوڵەتییەوە، بەئامانجی لەناوبردن و تێکشاندنی داعش و گرووپە تیرۆریستییەکان.

بەشی بکە لە
Previous Next
Close
Test Caption
Test Description goes like this