ئاسایشی سلێمانی وردەکاری دەستگیرکردنی دوو سەرکردەی داعش بڵاودەکاتەوە

0
355

SNN

ئاسایشی سلێمانی وردەکارەی دەستگیرکردنی تۆڕێکی تیرۆریستی داعش بڵاوبکاتەوە، کە دوو سەرکردەی ئەو رێکخراوەش لە ناو دەستگیرکراوەکاندان و بە هاوکاری ئاسایشی شارەزوور دەستگیرکراون.

دەزگای ئاسایشی هەرێمی کوردستان رایگەیاند: ” ئۆپراسیۆنی ئاسایشی سلێمانی بەھاوکاری بەڕێوبەرایەتی ئاسایشی شارەزوور دوو سەرکردەی داعش و تاقمێکی تیرۆریستی لە پارێزگای سلێمانی و ھەڵەبجە دەستگیردەکەن کە وەک شانەی نەنستو لەسنوری ھەرێم خۆیان حەشاردابوو کە لە ھەوڵی خۆڕێکخستندابوون بۆ تێکدانی ئارامی ھەرێم و ژیانی خەڵک و جێبەجێکردنی مەرام و پیلانەکانی داعش”.

راشیگەیاندوە: “لەسەر بنەمای زانیاری ھەواڵگری و بەدواداچوون سەرەداودەست کەوت لەسەر بوونی تاقمێکی نەنستوی داعش کە پیلانیان داناوە خۆیان رێکبخەن و ئامادەبکرێن بۆ چەند کردەوەیەکی تیرۆریستی لە سنوری پارێزگاکانی سلێمانی و ھەڵەبجە .  راستەخۆ بەبڕیارو سەرپەرشتی سەرۆکی دەزگای ئاسایشی ھەرێم ، ئاسایشی سلێمانی لێکۆڵینەوەی دەستپێکردو دوای یەک مانگ بەدواداچوونی  ورد و دەستخستنی زانیاری و بەڵگە و دیاریکردنی شوێن و مانەوەی  تیرۆریستان و چاودێریکردنیان پاش  رەزامەندی بەڕێز دادوەری لێکۆڵینەوەی بەبڕیاری سەرۆکی دەزگا”.

روونیشیکردوەتەوە: شەوی ( 27/28) 7 / 2021 جوڵە بەھێزەکانی ئۆپراسیۆنی ئاسایشی سلێمانی و ئاسایشی شارەزوور کراو لە پارێزگای ھەڵەبجە لە چوار ئۆپراسیۆنی گەورەو  و ھەڵمەتی ھاوکاتدا ھەر چوار تیرۆریست ( ع ، ح ) و ( ل ، ج ) و ( ز ، ح ) و ( ع ، ح ، ع ) دەستگیرکران کە دوانیان سەرکردەی داعش بوون و بەشداری و سەرپەرشتی چەندین تاوانیان کردووە” .

لەلایەکی ترەوە لەئۆپراسیۆنێکی تردا لە سلێمانی  ھێزەکانی ئاسایشی سلێمانی تیرۆریست ( س .ع ) دەستگیرکرد .

دەزگای ئاسایش باسی لەوەشکردوە: “لەبارەی ئەم کەیسە ئەمنییەوە لێکۆڵینەوەی ورد دەستیپێکردوەو دەرکەوت تیرۆریستە دەستگیراوەکان بەپێی ماددەی چواری تیرۆر داواکراو بوون و چەکداری داعش بوون لەویلایەتی باشوور و بەشداربوونە لەچەندین   تاوانی دژ بەمرۆڤایەتی و لەچەند شارێکی عێراق و ھەرێم خۆیان رێکخستووەو مەرامیان بووە چەندین کردەوەی تیرۆریستی ئەنجام بدەن”

ئەوەشی خستوەتەڕوو ک ەلە داهاتوودا زانیاری و وردەکاری زیاتر لە بارەی ئەو دۆسیەوە بۆ رایگشتی ئاشکرا دەکەن.

بەشی بکە لە
Previous Next
Close
Test Caption
Test Description goes like this