کازمی: هەڵبژاردن لە وادەی خۆیدا بەڕێوەدەچێت

0
187

SNN

سەرۆکوەزیرانی عێراق رایگەیاند: هەڵبژاردنی پێشوەختە دواناخرێت و بایکۆتی پرۆسەکەش خزمەت بە هیچ کەسێک ناکات.

مستەفا کازمی سەرۆکوەزیرانی عێراق دوای گەڕانەوەی لە واشنتن رایگەیاند: “هەڵبژاردنی پێشوەختە لە کاتی خۆیدا و لە مانگی تشرینی یەکەمی ئەمساڵ بەڕێوە دەچێت”.

سەبارەت بەوەی تائێستا چەند لایەنێک لە هەڵبژاردن کشاونەتەوە کازمی رایگەیاند: “بایکۆتی هەڵبژاردنی پێشوەختە خزمەت بە هیچ کەس و لایەنێک ناکات”.

سەبارەت بە ئەنجامی کۆبوونەوەکانیشی لە واشنتن رایگەیاند: “لە بوارەکانی ئاسایس و ئابوری، تەندروستی و خوێندنی باڵا، وزە، ژینگە و وەبەرهێنان لێکتێگەیشتنمان لەگەڵ ئەمریکا واژۆ کردووە.

جەختیشی کردەوە، لەگەڵ ئەمریکا رێککەوتووین تا مانگی کانونی یەکەمی ئەمساڵ هیچ سەربازیکی شەڕکەری ئەمریکی لە عێراق نامێنێت.

کازمی ئاماژەی بەوەشکرد، شانازی بە شوێنەوارەکانی رافیدەینەوە دەکەن و لەگەڵ خۆیان 17 هەزار پارچە شوێنەواری عێراقیان لە ئەمریکاوە گەڕاندوەتەوە.

بەشی بکە لە
Previous Next
Close
Test Caption
Test Description goes like this