شاندێکی هەرێم سەردانی ئێران دەکات

0
225
تاران

SNN

نازم دەباغ، نوێنەرى حکومەتى هەرێم لە تاران ڕایگەیاند: “بە بانگهێشتی فەرمی حکومەتی ئێران، شاندێکی حکومەتى هەرێم سەردانی ئەو وڵاتە دەکات و ئامادەیی ڕێوڕەسمی سوێندخواردنی سەرۆککۆماری نوێی ئێران دەبن”. 

نازم دەباغ نوێنەرى حکومەتى هەرێم لە لێدوانێکيدا ڕاگەیاندووە: ” ئێران بە فەرمی بانگهێشتنامەی بۆ هەرێمی کوردستان ناردووە تا شاندێکی لە ڕێوڕەسمی سوێندخواردنی ئيبراهيم ڕەئيسی سەرۆککۆماری نوێی ئەو وڵاتەدا بەشداربن و بۆ ئەو مەبەستە شاندێک لە هەرێمەوە دەچنە تاران”.

ئاماژەی بەوەشکردووە: “شاندەکەی هەرێم پێکدێن لە کوێستان محەمەد، وەزیرى کارو کاروبارى کۆمەڵایەتى، پشتیوان سادق، وەزیرى ئەوقاف، حەمەى حەمەسەعید، وەزیرى ڕۆشنبیرى و وەزیری حکومەت بۆ کاروباری پەرلەمان”.

بڕیارە لە چەند ڕۆژى داهاتوو ئیبراهیم ڕەئیسى وەک هەشتەمین سەرۆککۆمارى ئێران، سوێندى یاسایی بخوات کە لە 19ى حوزەیرانى 2021 لە هەڵبژاردنەکانى ئێران ڕێژەی 61.95% دەنگى بەشدربووانى ئەو وڵاتەى بە دەستهێنا.

بەشی بکە لە
Previous Next
Close
Test Caption
Test Description goes like this