پارێزەرێک: ئەو کەسەی تاوانبارێک داڵدە بدات، هێندەی داواکراوەکە تاوانبارە

0
435

SNN-عەلی حەمەسەعید

پارێزەرێک باس لەوەدات، بە پێی یاسا هەر کەسێک تاوانبارێک داڵدە بدات، تاوانەکەی هێندەی کەسی داواکاراو و تاوانبارە.

پارێزەر کارزان سەلام بە SNNی راگەیاند: بەپێی ماددەی 111 ی ساڵی 1969 لە یاسای سزادانی عێراقی هەرکەسێک تاوانبارێک داڵدە بدات، ئەو کارەی بە تاوان دادەنرێت.

وتیشی، هەر بە گوێرەی یاسا، تاوانی ئەو کەسەی داڵدەی تاوانبارێک دەدات، هێندەی تاوانی داڵدەدراو و داواکراوەکەیە.

سەبارەت بە سزای داڵدەدانی تاوانبارانیش وتی: “بە پێی جۆری تاوانی تاوانبارەکە، سزای ئەو کەسەی داڵدەی داوە جیاوازە، بۆ نمونە ئەگەر کەسێک بکوژێک داڵدە بدات، وەک ئەوە وایە، کە خۆی تاوانی کوشتنەکەی کردبێت و سزاکەشی هەمان ئەو سزایەیە کە سەر بکوژەکەدا دەسەپێت”.

ئەمەش لە کاتێکدایە بە پێی وتەی سەرچاوەیەکی رەسمی یەکێیی نیشتمانیی کوردستان: “لاهور شێخ جەنگی تۆمەتبارە بە داڵدەدانی تاوانباران و تێوەگلاوان لەکەیسی گەندەڵی ھەمە جۆر کە دادگا بەرەسمی داوای کردوون”.

بەشی بکە لە
Previous Next
Close
Test Caption
Test Description goes like this