سامان بەرزنجی: ئێستا لە هێڵی سووری مەترسیداین

0
305
سامان به‌رزنجى، وه‌زیرى ته‌ندروستیى هه‌رێم | فۆتۆ: SNN

SNN

وەزیری تەندروستیى هەرێم رایگەیاند: دۆخى کوردستان لە تووشبوون بە ڤایرۆسی کۆرۆنا مەترسیدارە و ئێستا لە هێڵى سوورداین.

ئەمڕۆ دووشه‌ممه‌ د. سامان به‌رزنجى باسی لەوەکرد، کە ماوەى چەند هەفتەیەکە بەردەوام ژمارەى تووشبوون بە ڤایرۆسی کۆرۆنا و مردن بەهۆی ئەو ڤایرۆسە لە هەڵکشاندایە، لە ئێستادا ڕاپۆرتى پەتازانیی وەزارەتى تەندروستى کوردستان لە ئامادەکاریدایە و ئەمڕۆ تەواو دەبێـت و ئاڕاستەى ئەنجوومەنى وەزیران و لیژنەى باڵای بەرەنگاربوونەوەى ڤایرۆسی کۆرۆنا دەکرێت، بەپێی ئەو ڕاپۆرتە دۆخى کوردستان گەیشتووه‌تە هێڵى سوور و لە مەترسیداین.

وتیشی: باشترین چارەسەریش بۆ ئەو دۆخە خۆپارێزى و کارکردنى بەردەوامى سیستمى تەندروستیییە کە ئێستا هەموو دەزگاکانمان لە ئەرکدان.

لەبارەى پێدانى ڤاکسنیەوە وەزیرى تەندروستیى رایگەیاند: “شەوی رابردوو ژمارەیەکی زۆری ڤاکسینی کۆرۆنا گەیشتووەتە ھەرێمی کوردستان، بڕیارە 100 ھەزار ڤاکسینی جۆری سینۆفارم لە لایەن حکوومەتی چینەوە پێشکەش بە ھەرێمی کوردستان بکرێت، ھاتنی جۆرەکانی دیکەی فایزەر و ئەسترازینکاش بەردەوام دەگاتە ھەرێمی کوردستان.”

بەشی بکە لە
Previous Next
Close
Test Caption
Test Description goes like this