قائیمقامیه‌تی سلێمانی شەش تەن برنج له‌ناوده‌بات

0
143

SNN

قائيمقاميەتی سلێمانی رايگەياند: “به‌هۆی نه‌شیاوی بۆ خواردن، ده‌ستيان به‌سه‌ر بڕێكی زۆر برنجی جۆراوجۆردا گرتووە، لە ناوچەی دەرەروەی نيشتەجێبوونی هاوڵاتيان لەناودەبرێت”.

ئه‌مڕۆ پێنجشه‌ممه‌، له‌ راپۆرتی كاروچالاكی رۆژانه‌ی لیژنه‌ی كۆگاكانی قائیمقامیه‌تی سلێمانی ئاراسته‌ی لیژنه‌ی باڵای لیژنه‌ هاوبه‌شه‌كانی كراوه‌‌‌، تیایدا هاتووه‌: “له‌ ئه‌نجامی سه‌ردان و پشكنینه‌ به‌رده‌وامه‌كانی لیژنه‌كه‌ بۆ كۆگاكانی عه‌مباركردنی كاڵاوشمه‌ك و خوارده‌مه‌نی، ده‌ست به‌سه‌ر بڕی زیاتر له‌ شه‌ش تەن برنجی جۆراوجۆردا گیراوه‌ كه‌ به‌هۆی خراپ عه‌مباركردنییه‌وه‌ پێش  به‌سه‌رچونی ماوه‌كه‌ی‌ خراپبووه”‌.

راپۆرته‌كه‌ ئه‌وه‌ی خستوه‌ته‌ڕو‌و: “به‌پێی رێنماییه‌كانی كاركردن و كۆگاكردنی خواردن و خواردنه‌وه‌، پێویسته‌ پله‌ی گه‌رمی ئه‌و كۆگایانه‌ی خواردن و خواردنه‌وانه‌ی تێدا عه‌مبارده‌كرێت له‌ (25) پله‌ زیاتر نه‌بێت، چونكه‌ ده‌بێته‌ هۆی خراپبون و نه‌شیاوی بۆ خواردن و به‌كارهێنان و له‌ده‌ستدانی به‌هاخۆراكییه‌كه‌ی”.

راپۆرته‌كه‌ بڕی ئه‌و برنجه‌ جۆراوجۆره‌ی له‌لایه‌ن لیژنه‌ی كۆگاكانه‌وه‌ ده‌ستیبه‌سه‌رداگیراوه‌ بریتییه‌ له‌ (240) فه‌رده‌ی (25) كیلۆگرامی كه‌ شه‌ش تەنه‌ و به‌فه‌رمانی قائیمقامی سلێمانی له‌لایه‌ن لیژنه‌ی تایبه‌تمه‌نده‌وه‌ له‌ناوچه‌ی ده‌ره‌وه‌ی نیشته‌جێبون له‌ناوده‌برێت و خاوه‌نه‌كه‌شی رووبه‌ڕووی رێكاری یاسایی ده‌كرێته‌وه‌.

بەشی بکە لە
Previous Next
Close
Test Caption
Test Description goes like this