شاندێکی عێراق بۆ بە فەرمیکردنی مەرزە لاوەکییەکان لە هەرێمن

0
259

SNN

شاندێکی وەزارەتی ناوخۆی عێراق و ئۆپراسیۆنە هاوبەشەکان سەردانی مەرزە لاوەکییەکانی کێلێ و سەیرانبەن و پشتەیان کرد بە مەبەستی تاوتوێکردنی پرسی بەفەرمی کردنی ئەو مەرزانە.

بەڕێوەبەرایەتی مەرزی کێلێ لە سنووری ئیدارەی راپەڕین رایگەیاند: “شاندەکەی حکومەتی فیدراڵی بەدواداچوون دەکەن بۆ کاری لیژنەکانی پێشوو کە تا چەند راسپاردەکان لە مەرزەکان جێبەجێکراون، ئێمە وەکو بەڕێوەبەرایەتی گومرگی ڕاپەڕین و مەرزی کێلێ کارەکانمان لەسەدا ٦٥ی تەواوبووە، شاندەکە زۆر لە کارەکانمان رازیبوون”.

ئاماژەی بەوەشکرد: “شاندەکە دەچنەوە و راپۆرتی خۆیان دەدەن، ئەوەی کە ماوە رەزامەندی ئەنجومەنی وەزیرانی بەغدایە بۆ ئەوەی ئەو مەرزانە بە فەرمی بناسێندرێن، کە ئەوە لە بەرژەوەندی هەموواندایە”.

راشیگەیاند: “لەلای ئێمەوە هیچ گرفتێکی یاسایی و کارگێڕی نییە بۆ ئەوەی ئەو مەرزانە بکرێنە فەرمی و هەموو مەرجەکانیانی تێدایە”.

ماوەی چەند ساڵێکە حکومەتی هەرێم لە هەوڵدایە مەرزە لاوەکییەکانی بە فەرمی بناسێنێت.

بەشی بکە لە
Previous Next
Close
Test Caption
Test Description goes like this