رۆژنامەنووسێک بۆ لاهور شێخ جەنگی: ئەوە تۆ بوویت لە کۆنگرەی یەکێتی کودەتات ئەنجامدا

0
763

SNN

رۆژنامەنووسێک لە نامەیەکی کراوەدا کە ئاڕاستەی لاهور شێخ جەنگی کردووە دەڵێت: “جەماوەرەکەت باس لە کودەتا دەکەن، پێت وانیە ئەوە تۆ بوویت لە کۆنگرەی یەکێتی کودەتات کرد بە دەعمی پارە، بۆیە کە دەسەڵاتت نەما یەک هاوڕێی دڵسۆزت لەگەڵ نەما”.

دەقی نوسینەکەی عبداڵلە حەساری کە لە فەیسبووکی خۆی بڵاویکردووەتەوە:

سەرەتا لەگەڵ ئەوپەڕی ڕێزم بۆ كاك لاهوڕ هیوادارم زویر نەبێ لە نوسینەكانم چونكە من بە ئازادی لەدایك بوم بە ئازادیش ئەژیم بۆیە لێرەدا چەند هەڵەیەكی ستراتیجی جەنابت باس ئەكەم كوا ئەمرۆ ئەنجامەكەی ئەبینی. جەماوەرەكەت باسی كودەتەدا ئەكەن كە گوایە كراوتە سەر جەنابت تۆ  بیت وانیە لە كۆنگرە جەنابت كودەتات نەكردبێ دەنگی یەكەمت هێنا هەموو یەكێتیەكانش ئەزانین بە دەعمی پارە بووە بەڵگەش ئەوەیە ئەمڕۆ دەسەڵاتت لانەما یەك هاوڕێی دڵسۆزت لەگەڵ نەما جگە لە جەماوەرێكی دڵسۆز كە زۆربەیان راستی كێشەكان نازانن.

لە دوای كۆنگرە بە ویستی جەنابت مەسولی مەڵبەند و مەكتەب وئەندامانی مەكتەبەكان دانرا تەنها بۆ فەرزكردنی دەسڵاتی خۆت و  براكانت خەڵكت بۆ ئەهێنم كردوتە بە ئەندامی مەكتەب پلەی حزبی نەبووە ، ئێمە چونكە دڵسۆزی یەكێتی و كەركوك بوینە خاوەن قەڵەم بۆین نەتهێشت بێینە كۆنگرەشەوە ئەگەر ئەڵێن درۆ ئەكەی ئامادەم ناوی ئەو سەركردایەتی و ئەندام مەكتەبانە بڵاو بكەمەوە كە لە بان جاداوە بونە دەسڵات بە پشتیوانی جەنابت ، ئەی كاك لاهور چی ئەڵێ بەرامبەر بەم هەموو زەوی فرۆشتنەی سلێمانی كە كراوە بە ناوی جەنابتەوە لە كاتێكدا زۆربەی كادرانی حزبەكەت لە خانوو كرێچیدا ئەژین روبعە موچەیەك وەر ئەگرن ئەگەر ئەڵێن وانیە سەدان بەڵگەتان بۆ ئەهێنمەوە.

لەدوای بونت بە هاوسەرۆك كەوتیتە گیان كەركوك بە خۆت و براكانت رۆژێ كاك ئاراس ئەیوت وەرنەوە تاوڵە بكەین رۆژێك ئەیوت كەركوك عێراقیە رۆژێكیش ئاڵا خان بە پشتیوانی جەنابت سرود و شعری بۆ عێراق و العزیم ئەوتەوە ئەیوت من لە خیڵی  ئەسەدیم  ،وە لە ناو حزبشدا لە كەركوك كەوتیتە گیان كادرەكان ئەوانەی نزیكن بون لە بەڕێزان رفعت عبداڵلە و ئاسۆ مامەند سزای  دور خستنەوەیان لەكەركوك درا،  بێ گومان هەموو ئەم كارانەی كەركوك هاوكارو جێ بەجێ كاری هەبوو ئەوەش لێپرسڕاوی مەڵبەندی ئێستایە و ئەندامێكی مەكتەبی سیاسیش ، كاك لاهور پێم ناڵێی ئەم هەموو داعشانەی داتەوە بە راكان جبوری قازانجەكەی چی بوو جگە لە وەرگرتنی پڕۆژە و نەوت و پارە ئەگەر ئەڵێن وانیە ئامادەم بێمە سەر شاشە بیسەلمێنم وایە.

ئێستاش ئەگەر دادپەروەری بۆ براكانت كە داواكراون نابەیتە دادگا چونكە باوڕت تەنها بە دەسەڵاتی هێز هەیە ، لە كۆتاییدا ئەڵێم داواكارم لە جەماوەری یەكێتی هەمومان پشتیوانی چاكسازیەی ناو یەكێتی بین لە پێناوی راستكردنەوەی هەڵەكانی رابردوو فرسەتێك بدەینە كاك بافڵ ئەگەر چاكی نەكرد دڵنیابن لێی قبوڵ ناكەین هیچ نەبێت كوڕی مام جلال و هێڕۆ خانە كە هیچیان هەڵەیان بەرامبەر جەماوەری یەكێتی نەكردوە جگە لە خزمەت ، هیوادارم لە یەكێتی ئەوەی لە رابردودا گەندەڵی كردوە سزا بدرێت وە لابدرێت ئەگەر نا ئێمەش هەڵوێستی خۆمان  ئەبێت بەسە گەندەڵی ،هەزارن سڵاو لە روحی مام و هەموو شەهیدانی كوردو كوردستان.

بەشی بکە لە
Previous Next
Close
Test Caption
Test Description goes like this