“پڕۆژەکانی وەبەرهێنان لە هەولێر پارەی ئاو بۆ حکومەت ناگەڕێننەوە”

0
310

SNN-عەلی حەمە سەعید

لەگەڵ ئەوەی گرفتی كەمئاوی لە شاری هەولێر بەردەوامی هەیە و هێشتا بەشێكی زۆری گەڕەك و كۆڵانەكانی ئەو شارە بە چەند هەفتە جارێك ئاویان پێدەگات، بەڵام 140 پرۆژەی نیشتەجێبوون لە شاری هەولێر لەلایەن كۆمپانیاكانەوە دروستكراون لەڕێگەی هەڵكەندی بیری زۆر قووڵەوە ئاوی بەردەوامیان بۆ دابیندەكرێت هیچ كام لەو پرۆژانەش پێوەری ئاویان بۆ نەبەستراوە هۆكارێكیشن بۆ گرفتی كەمئاوی لە هەولێر.

سەردەشت سەرسام، بەڕێوەبەری ئاو و ئاوەڕۆی هەولێر، بە SNNی ڕاگەیاند: لە ئێستادا 142 پرۆژەی وەبەرهێنان كە نزیكەی 100 هەزار یەكەی نیشتەجێبوون لە خۆدەگرێت لە شاری هەولێر هەن، بەڵام تائێستا هیچ كام لەهاوبەشانی پرۆژەكانی وەبەرهێنان پێوەری ئاویان نییە و پارەی هاوبەشی ئاویش بەحكومەت نادەن كە لە ڕێگەی هەڵكەندی بیرەوە ئاو بۆ ئەو یەكە نیشتەجێبوونانە تەرخاندەكرێت.

ئاماژەی بەوەشكرد: “تا ئێستا لایەنە پەیوەندیدارەكانی حكومەت ئاوی پرۆژەكانی وەبەرهینان و ئەو یەكە نیشتەجێبوونانەی كە لەو پرۆژانە دروستكراون ڕادەستی بەڕێوەبەرایەتی ئاوی هەولێر نەكراون بەڵكوو كۆكردنەوەی پارەی ئاو لەلایەن خاوەنی پرۆژەكانەوە سەرپەرشتی دەكرێن و پارەی ئاویان ناگەڕێتەوە بۆ خەزێنەی حكومەت و كۆمپانیاكان بەرپرسن لە دابینكردنی ئاوی خواردنەوە بۆ یەكە نیشتەجێبوونانە”.

بە گوێرەی بەدواداچوونەكانی SNN لە سەنتەری شاری هەولێرزیاد لە 250 هەزار هاوبەشی ئاو تۆماركراوە بەڵام لەو ڕێژەیە تەنها لە 81% پێوەری ئاویان بەستوە، هاوكات زۆربەی ئەو بیرانەی كە بۆ پرۆژەكانی نیشتەجێبوون لێداون بیری زۆر قوڵن و هەندێكیان قوڵییان دەگاتە سەروو 600 مەتر كە ئەمە بەدەرە لە هەموو رێنماییەكانی تایبەت بە لێدانی بیری ئاو، هەر ئەوەش وایكردووە كە بیرە حكومەییەكانی تایبەت بە دابینكردنی ئاوی چەند گەڕەكێكی هەولێر دووچاوری وشکبوون ببنەوە.

بەشی بکە لە
Previous Next
Close
Test Caption
Test Description goes like this