وەزیری دەرەوەی پاکستان: لە کاتی گونجاودا دان بە حکومەتی تالیباندا دەنێین

0
204

SNN

وەزیری دەرەوەی پاکستان، ئاشکرای کرد، کە لەکاتی گونجاودا و بە هەماهەنگی لەگەڵ هاوپەیمانی نێودەوڵەتی دان بە حکومەتی تاڵیباندا دەنێن.

بەگوێرەی ئەو هەواڵانەی لە کەناڵە ناوخۆییەکانی پاکستان بڵاوکراونەتەوە، شا مەحمود قوڕەیشی، وەزیری دەرەوەی ئەو وڵاتە باسی لەوەشکردووە کە دەیانەوێت لەگەڵ ئەفغانستان وەک دوو وڵاتی دراوسێ پەیوەندییەکی باشیان هەبێت.

وەزیری دەرەوەی پاکستان، ئاماژەی بەوەش داوە کە پێویستە رێگای سەربازیی بۆ چارەسەرکردنی کێشەی ئەفغانستان بەکارنەهێندرێت و هەموو کێشەکان بە گفتوگۆ چارەسەر بکرێن.

قوڕەیشی راشیگەیاندوە، رەوشی ئەفغانستان بەخێرایی گۆڕاوە و بەم نزیکانەش دەربارەی پرسی ئەو وڵاتە لەگەڵ چین، ئێران، ئۆزبەکستان، تورکمەنستان و هیندستان کۆدەبنەوە.

ناوبراو، وتیشی: پاکستان هەمیشە هەوڵی بۆ ئەنجامدانی ئاسانکاری لە ئەفغانستان داوە و بەردەوامیش دەبێت لەم رۆڵەی، باڵیۆزخانەی وڵاتەکەشیان لە کابوڵ بەشێوەیەکی ئاسایی کاری خۆی ئەنجام دەدات.

 

بەشی بکە لە
Previous Next
Close
Test Caption
Test Description goes like this