رێزان دلێر باس لە هۆكارەكانی دواخستنی هەڵبژاردنەكان دەكات بۆ ساڵی داهاتوو

0
310

SNN-عەلی حەمە سەعید

ئەندامێكی ئەنجومەنی نوێنەرانی عێراق ئاماژە بەوەدەكات بەهۆی ئەوەی هێشتا چەك بەدەست دەوڵەتەوە نییە و زۆرێك لە میلاشیاكان خاوەن هێز و دەسەڵاتن و هەروەها كوتلەی سەدرییەكان و زۆرێكی دیكە لە هێز و لایەنە سیاسییەكانی دیكەی عێراق لەگەڵ دواخستنی هەڵبژاردندان بۆیە پێناچێت هەڵبژاردنی پێشوەختە بەڕێوەبچێت و دواجار هەڵبژاردن بۆ مانگی نیسانی ساڵی داهاتوو دوابخرێت.

ڕێزان شێخ دلێر، ئەندامی ئەنجومەنی نوێنەرنی عێراق لە فراكسیۆنی یەكێتی بە SNNی ڕاگەیاند: بەهۆی ئەوەی كە تا ئێستاش كوتلەی سەدرییەكان كە بەیەكێك لە هێزە سەرەكییەكانی سەر گۆڕەپانی سیاسی عێراق دادەنرێن سوورن لەسەر ئەوەی كە بەشداری هەڵبژاردن ناكەن ئەمەش كارێكی هەروەها ئاسان نییە ناكرێت هێزكی وا گەورەی شیعی پەراوێز بخرێت و هێزەكانی دیكە هەڵبژاردن ئەنجام بدەن بۆیە لە ئێستادا زۆربەی هێزە سیاسیە عێراقییەكان بە سونەو شیعەوە گەیشتونەتە ئەو بڕوایەكە دەبێت سەدرییەكان بگەڕێنەوە ناو پرۆسەكە پاشان هەڵبژاردن ئەنجام بدرێت.

ئاماژەی بەوەشكرد، (شۆڕشگێڕەكانی تشرین) كە بەشێكی سەرەكی خۆپیشاندانەكان ناسراون ئەوانیش بەشداری هەڵبژاردن ناكەن، چونكە پێیان وایە كە هێشتا چەك بەدەست دەوڵەتەوە نییە و میلیشیاكان خاوەن هێزو دەستەڵاتن و دەتوانن بە ئاسانی ساختەكاری لەبەرژەوەندی خۆیاندا ئەنجامبدەن و ئەگەر هەڵبژاردنیش بكرێت هیچ لەسەر گۆڕەپانی سیاسی ناگۆڕێت بۆیە هەموو ئەمانە پێمان دەڵێت كە عێراق نەیتوانیوە بەرەو سەقامگیری هەنگاو بنێت بۆیە دواجار ئەمە وادەكات نەتواندرێت هەڵبژاردن لەوادەی دیاریكراوی خۆیدا ئەنجام بدرێت.

ئەو پەرلەمانتارەی فراكسیۆنی یەكێتی لە ئەنجومەنی نوێنەرانی عێراق ئەوەشی خستەڕوو، لە ئێستادا زۆرێك لە هێز و لایەنە سیاسییەكان و كوتلەكانی ناوپەرلەمانیش گەیشتوونەتە ئەو بڕوایەی كە هەڵبژاردن تا مانگی نیسانی 2022 دوابخرێت بۆ ئەوەی لەو ماوەیەدا حكومەت بتوانێت هەنگاوی باش بنێت و هێزو دەستەڵات تەنها لای حكومەت بێت دواتر هەڵبژاردن ئەنجام بدرێت.

بەشی بکە لە
Previous Next
Close
Test Caption
Test Description goes like this