نادر رۆستی: ناوچە بۆردومانکراوەکانی دهۆک لە گەشتیار و وەبەرهێنان بێبەش بوون

0
420

SNN-عەلی حەمە سەعید

وتەبێژی دەستی گشتی گەشتوگوزاری هەرێم ئاماژە بەوەدەكات گەشتیاران ڕوو لەناوچەیەك ناكەن كە نائارامی و مەترسی لەسەر بێت، بۆیە بە دەیان ناوچەی گەشتیاری لە هەرێمی كوردستان هەن بەهۆی بۆردومانەكانی توركیاوە هیچ گەشتیارێك ناتوانێت ڕوو لەوناچانە بكات ئەمەش لەڕووی ئابورییەوە زانێكی زۆری بەدوای خۆیدا هێناوە و هاتنی گەشتیارانیشی كەمكردووەتەوە.

نادر رۆستی، وتەبێژی دەستەی گشتی گەشتوگوزاری هەرێم بە SNNی ڕاگەیاند: لە هەموو جیهاندا یاسایەكی تایبەت بە بواری گەشتوگوزاری هەیە كە دەبێت ڕەچاو بكرێت ئەویش ئەوەیە كە ئارامی و نەبوونی هیچ مەترسییەك لەسەر ئەو ناوچەگەشتیارانە چەسپاوبێت و گەشتیاران بە بێ‌ بوونی هیچ دلەڕاوكێ و مەترسیەك ڕوو لەوناچانە بكەن، بەڵام بەداخەوە دەبین لە هەرێمی كوردستان بەتایبەت لە سنوری پاریزگای دهۆك ناوچە گەشتیارییەكانی ئەو سنورە بەهۆی بۆردومانی توركیا و شەڕی چەكداری پەكەكەوە گەشتیاران ناتوانن سەردانیان بكەن.

ئاماژەی بەوەشكرد: ئەو دۆخەی كە بۆ ئەو ناوچە گەشتیارییانە دروست بووە تەنها لە ڕووی ئەوە زیانی نییە كە گەشتیار ڕوویان تێناكات، بەڵكوو لە ڕووی ئابوریشەوە زیانیان بەركەوتووە هیچ وەبەرهێنێك ئامادە نییە سەرمایەكەی لەو شوێنانەدا وەگەڕ بخات كە مەترسی ئەمنی لەسەر بێت هاوكات لەڕووی ئابووریشەوە زیان بەدوای خۆیدا دەهێنێت و دواجاریش دەبێتە هۆی كەمبوونەوەی هاتنی گەشتیار بۆ ئەو ناوچانە.

وتەبێژەكەی دەستەی گشتی گەشتوگوزار ئەوەشی خستەڕوو: بە داخەوە لە ئێستادا لە زنجیرە شاخەكانی زاخۆ تا قەزاكانی ئامێدی و مێرگەسۆر و چۆمان و پشدەر و ماوەت و چەند ناوچەیەكی دیكە كە بە دەیان ناوچەی گەشتیاری لە خۆدەگرن بەردەوام هەڕەشەیان لەسەرەو گەشتیاران ناتوانن بە بێ‌ ترس سەردانی ئەو ناوچانە بكەن و وەبەرهێنەرانیش ئامادە نین هیچ پرۆژەیەكی گەشتوگوزاری لەو ناوچانە جێبەجێ بكەن.

 

بەشی بکە لە
Previous Next
Close
Test Caption
Test Description goes like this