چەند گوندێکی پێنجوێن بۆردومانکران

0
402

SNN

سەر لە بەيانی ئەمڕۆ سێشەممە، چەند گوندێک لە سنووری قەزای پێنجوێن بە فرۆکەی بێفڕۆکەوان بۆردومانکرا و زيانی گيانی لێنەکەوتووەتەوە.

بەپێی زانيارييەکانی SNN بۆردوومانەکە نزیکەی 20 خولەکی خایاندووە و لە کاتژمێر 06:30 خولەک دەستیپێکردووە، ئەو شوێنانەی کراونەتە ئامانج، ناوچەی کشتوکاڵین، لەوانەش گوندەکانی (خنویانە، ئۆمەرەسێنان، بناویان، کانی میران، وریاوە، ساڵیاوە و قزڵجۆ)

لەو بارەيەوە، قایمقامی پێنجوێن لە لیدوانێکيدا رايگەياندووە: “هەرچەندە زانیارییەکان سەرەتایین، بەڵام هەموو گومانەکان بۆ ئەوە دەچن فڕۆکەی بێفڕۆکەوانی تورکیا بن، بەدواداچوونی زیاتریش دەکەین.

دەشڵێت “بۆردومانەکە زەرەر و زیانێکی وای نەبووە لە گیانی و ماددی، بەڵام ترس و دڵەڕاوکێیەکی زۆری بۆ جووتیارانی ناوچەکە دروستکردووە.”

بەشی بکە لە
Previous Next
Close
Test Caption
Test Description goes like this