وەزارەتی کشتوکاڵ بەشێک لە دەسەڵاتەکانی بۆ پارێزگاکان دابەزاند

0
188

SNN

وەزیری کشتوکاڵ و سەرچاوەکانی ئاوی حکومەتی هەرێم بەشێکی زۆری دەسەڵاتەکانی وەزارەتەکەی بۆ بەڕێوەبەرایەتییە گشتییەکانی کشتوکاڵی پارێزگاکان دابەزاند.

بێگەرد تاڵەبانی وەزيری کشتوکاڵی هەرێم لە نوسراوێکدا کە ئاڕاستەی بەڕێوەبەرایەتیی گشتیی کشتوکاڵی پارێزگاکان کردووە باسی لەوەکردووە: “لە پێناو بەرژەوەندیی گشتی و خزمەتکردنی زیاتری جوتیاران، خاوەن کار، پرۆژەکانی کشتوکاڵی، سامانی ئاژەڵ، کەرتی پەلەوەری و کەمکردنەوەی رۆتین لە فەرمانگەکانی وەزارەتی کشتوکاڵ و سەرچاوەکانی ئاو، بەشێکی زۆری دەسەڵاتە هونەری و کارگێریەکانمان بۆ بەڕێوەبەرایەتیی گشتیی کشتوکاڵی پارێزگاکانی هەرێمی کوردستان دابەزاند”.

پێشتر، هاووڵاتیان بۆ وەرگرتنی مۆڵەتی پڕۆژەکان و سەرجەم ئەو کاروبارانە دەبوایە لەسێ پارێزگاکەی دیکەی هەرێم سەردانی هەولێر بکەن، بەڵام لەمەودوا لەناو پارێزگاکانی خۆیاندا کاروبارەکانیان بۆ راییی دەکرێت

بەپێی نوسراوەکە دابەزاندنی دەسەڵاتەکان بەمشێوەیە دەبێت

دەسەڵاتە کارگێڕییەکان:

-پێدانی مۆڵەتی بەخێوەکەر بۆ ساڵێک.

-پێدانی مۆڵەتی بێ موچە بۆ ساڵێک.

-هەڵوەشاندنەوەی مۆڵەتی بێ موچەیی بەپێی خاڵی 2.

-لاری نەبونی خوێندنی ماستەر و دکتۆرا و بەکالۆریۆس بەپێی پەیڕەوی ژمارە (11)ی سالی 2021ی سەرۆکایەتی ئەنجومەنی وەزیران.

– پێدانی دەسەڵاتی خەرجی دەرماڵەکان بەپێی یاسا و رێنوێنییەکان.

پێدانی دەسەڵاتە هونەرییەکان:

-پێدانی دەسەڵاتی رێکخستنی گرێبەستی کشتوکاڵی.

-هەڵوەشاندنەوەی گرێبەستی کشتوکاڵی ئەگەر بەهۆی سەرپێچییەوە بێت یان جوتیارەکە خۆی داوای هەڵوەشاندنەوە بکات.

-پێدانی دەسەڵاتی گواستنەوەی بڕیاری دابەش بۆ سەر یەکێک لە وەرەسەی خاوەن بڕیاری گرێبەستی کشتوکاڵی لەکاتی مردنیدا یان تەنازولکردنی خاوەن گرێبەست بۆ یەکێک لە ئەندامانی خێزانەکەی کە لە ژیاندا ماوە.

-پێدانی دەسەڵاتی گواستنەوەی بڕیاری دابەش بۆسەر یەکێک لە وەرەسەری خاوەن بڕیاری دابەش لەکاتی مردندا.

-پێدانی دەسەڵاتی تەرخانکردنی زەوی و رێکخستنی گرێبەست بۆ پرۆژەکانی کە لای خوارەوە دیاریکراون. تا رێژەی 5 دۆنم جگە لە پرۆژەی گەورە و پرۆژەکانی وەبەرهێنان کە پێویستیان بە رەزامەندیی وەزیرە.

-پرۆژەکان (پرۆژەی پەلەوەریی گۆشت و هێلکە، کارگەی ئالیک، جوجک هەڵهێنەر، پرۆژەی ئاژەڵی، پرۆژەی حەوزی ماسی، ژوری پلاستیکی، پڕۆژەی هەنگەلان).

بەشی بکە لە
Previous Next
Close
Test Caption
Test Description goes like this