مانگی رابردوو عێراق زیاتر لە 90 ملیۆن بەرمیل نەوتی فرۆشتووە

0
257

SNN

وەزارەتی نەوتی عێراق بڕی نەوتی ھەناردەکراو و داھاتەکەی لە مانگی تەمموزی ڕابردوو ئاشکرا دەکات و ئاماژە بەرزبوونەوەی نرخی نەوت و داھاتە بە دەستھاتووەکانیش دەکات لە مانگی ڕابردوودا.

بەپێی داتاکانی ھەناردەی نەوت، لەلایەن کۆمپانیای سۆمۆوە دراوە بە وەزارەتی نەوتی عێراق، لە مانگی تەمموزی رابردوو بڕی 90 ملیۆن و 467 ھەزار و 974 بەرمیل نەوت ھەناردەی بازاڕەکانی جیھان کراوە.

ھەر لە بەیاننامەکەی وەزارەتی نەوتدا ھاتووە، کۆی داھاتی بەدەستھاتووی نەوتی ھەناردەکراو شەش ملیار و 475 ملیۆن و 512 ھەزار دۆلار بووە، ئەمەش بەراورد بە مانگی پێشوو ڕووی لە زیادبوون کردووە.

وەزارەتی نەوتی عیراق دەڵێت، بەھۆی بەرزبوونەوەی بەھای نەوت لە بازاڕی جیھانیدا ھەر بەرمیلێک نەوت بە ٧١ دۆلار و ٥٧ سەنت فرۆشراوە .

بەشی بکە لە
Previous Next
Close
Test Caption
Test Description goes like this