رەحمان غەریب” هەواڵی ناڕاست دەتوانێت ژیان لە خەڵک تێکبدات”

0
263

SNN

ماوەی چەند هەفتەیەک لە پەیج و ئەکاونتی ساختەوە رۆژانە هەواڵی سیاسی ناڕاست بڵاودەکرێتەوە و بە گوێ و چاوی بینەران و بیسەراندا دەدرێت، کە بووەتە هۆی شاردنەوەی راستییەکان لای هاووڵاتیان و دروستکردنی دڵەڕاوکی، تەواوی ئەو پەیج و ئەکاونتانەش بەهۆی ئەوەی کە رێسایەک یاخود ئیتیکێکی رۆژنامەوانی نییە لەسەری بڕۆن دەست بۆ هەموو بابەتێک دەبەن تەنیا بۆ ئەوەی دەروونی تاک بشێوێنن و نا سەقامگیری لە دۆخی سیاسی و ئەمنی و تەنانەت تەندروستی کۆمەڵگەشدا دروستبکەن.

رەحمان غەریب بەڕێوبەری سەنتەری میترۆ، لەسەر کاریگەرییەکانی هەواڵی ناڕاست و شێواندنی راستییەکان بۆ SNNدوا و وتی” هەواڵی ناڕاست دەتوانێت کاریگەری لەسەر دەرونی تاک دروست بکات، هەواڵی ناڕاست و ساختە بووەتە پەتایەکی جیهانی، هەموو جیهانیشی گرتووەتەوە، و رێکخراوێکی وەک UN لەسەر ئەم بابەتە دێتە سەر خەت، بەتایبەتی کاریگەری هەواڵی ناڕاست لەسەر ڤایرۆسی کۆرۆنا، چونکە هەندێک جار خەڵک وای لێ دێت بروا بە هەواڵە ساختەکە بکات و هەواڵە راستەکە وەلا بنێت.

رەحمان غەریب ئاماژەی بەوەشکرد: هەواڵی ناڕاست دەتوانێت ژیانت تێکبدات، دەبێت رووبەووری ببینەوە و بگەڕێینەوە بۆ راستییەکان و یاسای راگەیاند کە بڵاوکردنەوەی زانیاری راستە، زانیاری دەکرێت ژیانی مرۆڤ بخاتە مەتسرییەوە، کەواتە زانیاری دەتوانێت ژیان بۆ خەڵک بگەڕێنێتەوە و هەواڵی ناراست دەتوانێت ژیان لە خەڵک تێکبدات.

وتیشی”ئێمە پێویستمان بە چاودێری زیاتری میدیا هەیە، پێویستە راستی وەک خۆی بڵاوبکەینەوە و ڕاستییەکان نەشێوێنین، وە هەموو میدیایەک دەبێت ئیتیکی تایبەت بەخۆی هەبێت، لەگەڵ ئەو ئیتیکەی لە رێکخراوە جیهانییەکاندا بوونی هەیە، لە پیشەی میدیایدا یەک مۆراڵ کۆماندەکاتەوە کە بریتییە لەوەی کە راستی بڵاوبکاتەوە و نەیانشێوێنین، وە بە لارێدا نەبردنی زانیارییە و راستی وەک خۆی بدرێت بە بینەران”.

بەشی بکە لە
Previous Next
Close
Test Caption
Test Description goes like this