راگەیەنراوی کۆتایی لوتکەی بەغدا بۆ هاوکاری و هاوبەشی بڵاوکرایەوە

0
270

SNN

لوتكه‌ی به‌غدا بۆ هاوكاری و هاوبه‌شی لە راگەیەنراوی کۆتایی خۆیدا باسی لەوەکردوە: “ناوچه‌كه‌ روبه‌ڕوی چه‌ندین ئاڵنگاریی ده‌بێته‌وه‌ و بۆ ئه‌مه‌ش پێویستی به‌ هامه‌هه‌نگی هاوبه‌ش له‌سه‌ر بنه‌مای به‌رژوه‌ندی هاوبه‌ش له‌نێوان وڵاتاندا هه‌بێت”.
رۆژی شەممە 28ی ئاب لوتكه‌ی به‌غدا بۆ هاوكاری و هاوبه‌شی به‌ به‌شداری 9 وڵات و سێ رێکخراو به‌ڕێوه‌چوو، له‌دوای كۆبونه‌وه‌كه‌ش راگەینراوی کۆتایی بڵاوکرایەوە، کە تیایدا هاتووە: “ئه‌نجامدانی لوتكه‌كه‌ به‌ڵگه‌یه‌ له‌سه‌ر ئه‌وه‌ی عێراق پشت به‌ سیاسه‌تێكی هاوسه‌نگ و یه‌كسان بۆ هاریكاری ئه‌رێنی ده‌به‌ستێت له‌ په‌یوه‌ندییه‌ ده‌ره‌كییه‌كانیدا”.

ئەوەشخراوەتەڕوو: “ئاماده‌بوانی لوتكه‌ی به‌غدا جه‌ختیان كردوه‌ته‌وه‌ له‌سه‌رئه‌وه‌ی حكومه‌تی عێراق ده‌بێت هه‌وڵی زیاتر بدات بۆ به‌هێزكردنی دامه‌زراوه‌كانی ده‌وڵه‌ت و ئه‌نجامدانی هه‌ڵبژاردنێك كه‌ نوێنه‌رایه‌تی خواستی گه‌له‌كه‌ی بكات”.

هه‌ر به‌گوێره‌ی راگه‌یه‌ندراوه‌كه‌، كۆبونه‌وه‌ی لوتكه‌ باسی له‌وه‌كردوه‌، “ناوچه‌كه‌ روبه‌ڕوی چه‌ندین ئاڵنگاریی ده‌بێته‌وه‌ و بۆ ئه‌مه‌ش پێویسته‌ هامه‌هه‌نگی هاوبه‌ش له‌سه‌ر بنه‌مای به‌رژوه‌ندی هاوبه‌ش له‌نێوان وڵاتاندا هه‌بێت و هه‌روه‌ها پێویستیشه‌ هه‌وڵه‌كان یه‌كبخرێن له‌پێناو ئاسایش و سه‌قامگیریی ناوچه‌كه‌دا”.

باس لەوەشکراوە: “به‌شداربوانی كۆبونه‌وه‌ی لوتكه‌ی به‌غدا، جه‌ختیان له‌ پاڵپشتی و پشتیوانی هه‌نگاوه‌كانی حكومه‌تی عێراق كرده‌وه‌، بۆ روبه‌ڕوبونه‌وه‌ی تیرۆر و دوباره‌ ئاوه‌دانكردنه‌وه‌ ئه‌و ناوچانه‌ی زیانیان به‌ركه‌وتوه‌”.

لوتکەکە بە بەشداری سەرۆک و نوێنەرانی وڵاتانی فەرەنسا، ئوردن، میسر، ئیمارات، قەتەر، کوەیت، ئێران، سعودیە و تورکیا و هەر یەک لە رێکخراوەکانی كۆمكاری عه‌ره‌بی، رێكخراوی هاریكاری ئیسلامی و رێكخراوی هاریكاری كه‌نداو ئه‌نجامدرا.

بەشی بکە لە
Previous Next
Close
Test Caption
Test Description goes like this