عێراق فڕۆکەی بێ فڕۆکەوان لە تورکيا دەکڕێت

0
262

SNN

وەزیری بەرگری عیراق رایگەیاند: “دوای ئەوەی بەشداربوون لە پێشانگای کەرەستە سەربازییەکانی تورکیا کە رۆژانی 15 بۆ 20ی ئاب لە ئەستەمبوڵ بەڕێوەچوو، بەغدا خواستی خۆی بۆ کڕینی  فڕۆکەی بێ فڕۆکەوانی ئەو وڵاتە دەربڕیوە و لەئێستادا سەرقاڵی گفتوگۆن لەوبارەیەوە”.

جومعە عیناد، وەزیری بەرگری عیراق لە چاوپێکەوتنێکی تەلەفیزیۆنیدا ئاماژەی بەوەشکرد: “داوایان لە توركیا كردووە كە چەند پێشنیاز و دەرخستەیەكیان تایبەت بە فڕۆكەی جۆری بەیرەقدار تی بی 2 لەگەڵ هێلیكۆپتەری جۆری ئاتاك1 و سیستمی دژە فڕۆكەی بێفڕۆكەوان بۆ بخاتەڕوو.

باسی لەوەشکردووە: “فڕۆکەی بێ فڕۆکەوانی تورکیا زۆر ورد و پێشكەوتوون، لە چەندین وڵاتی وەك سوریا و ئازەربایجان و لیبیا سەركەوتنی گەورەیان بەدەستهێناوە”.

رۆژانی 15 بۆ 20ی ئاب لە ئەستەمبوڵ پێشانگای کەرەستە سەربازییەکانی تورکیا بەڕێوەچوو، تيايدا چەندین شاندی سەربازی وڵاتان بەمەبەستی بینین و کڕینی کەرەستەکان سەردانی پێشانگاکەیان کردبوو.

بەشی بکە لە
Previous Next
Close
Test Caption
Test Description goes like this