وەزارەتى دارایی “20 هەزار مووچەی نایاسایی لە هەرێم رادەگیرێت”

0
779

SNN

عه‌بدولحه‌كیم خه‌سره‌و سه‌رۆكی فه‌رمانگه‌ی هه‌ماهه‌نگی و به‌دواداچوونی حكومه‌تی هه‌رێم ڕایگه‌یاند: 20 هه‌زار مووچه‌ له‌ هه‌رێم ڕاگیراوه‌ و پێداچونه‌وه‌یان پێداده‌كرێت و ئه‌وانه‌ی نایاسایی بن مووچەکانیان ده‌بڕدرێن.

سه‌رۆكی فه‌رمانگه‌ی هه‌ماهه‌نگی و به‌دواداچوون له‌ ئه‌نجومه‌نی وه‌زیران لە لێدوانێکی رۆژنامەونیدا ئاماژەی بەوەکرد: به‌سود وه‌رگرتن له‌ سیستمی بایۆمه‌تری بۆ تۆماركردنی موچه‌خۆران 20هه‌زار مووچه‌ له‌هه‌رێم ڕاگیراوه‌ و وه‌زاره‌تی دارایی له‌گه‌ڵ وه‌زاره‌ته‌ په‌یوه‌ندیداره‌كان له‌كاركردن به‌رده‌وامن بۆئه‌وه‌ی ئه‌و مووچانه‌ی نایاسایین ببڕدرێن.

وتیشی “هه‌ربه‌پێی سیستمی بایۆمه‌تری ئه‌ژمارێكی بانكی بۆ سه‌رجه‌م مووچه‌خۆران دروست ده‌كرێت”.

لایخۆشیه‌وه‌ ئاواتی شێخ جه‌ناب وه‌زیری دارایی هه‌رێم ڕایگه‌یاند، له‌ڕێگه‌ی كۆدێكی بێهاوتاوه‌ ئه‌ژماری بانكی بۆ مووچه‌خۆران ده‌كرێته‌وه‌ بۆئه‌وه‌ی له‌ ڕێگه‌ی سیستمی بانكیه‌وه‌ مووچه‌ وه‌ربگرن و له‌سه‌ره‌تادا ئه‌ژماری بانكی بۆ 450هه‌زار مووچه‌خۆی شارستانی و هێزه‌ ئه‌منیه‌كانی پۆلیس و ئاسایش ده‌كرێته‌وه‌.

له‌هه‌رێمی كوردستان به‌پێی یاسای چاكسازی هه‌ر مووچه‌خۆرێك دوو مووچه‌ی هه‌بێت و به‌پێی یاسا رێك نه‌خرابێت ئوا مووچه‌یه‌كیان ده‌بڕدرێت.

بەشی بکە لە
Previous Next
Close
Test Caption
Test Description goes like this