نەتەوەيەکگرتووەکان هۆشداری دەدات لە دۆخی ئەفغانستان

0
290

SNN

سکرتێری گشتیی نەتەوەیەکگرتووەکان، نیگەرانیی قووڵی دەربڕی لە دۆخی ئەفغانستان کە پێی ناوەتە قۆناغێکی نوێ لە قووڵبوونەوەی قەیرانی مرۆیی و ئابووریی، ھۆشداریدا لەوەی “خەریکە کارەساتی مرۆیی رووبدات”.

ئەنتۆنیۆ گوتیرێس سکرتێری گستی نەتەوەيەکگرتووەکان لە راگەيەندراوێکدا بڵاويکردەوە: “نزیکەی نیوەی دانیشتوانی ئەفغانستان واتە 18 ملیۆن کەس پێویستییان بە ھاوکاریی مرۆییە”، دەشڵێت “یەک کەس لەھەر سێ ئەفغانییەک، نازانێت ژەمی داھاتووی خۆراکی لە کوێوە دێت”.

سکرتێری گشتیی نەتەوەیەکگرتووەکان ئاماژەی بەوە کرد: “چاوەڕوان دەکرێت زیاتر لە نیوەی مناڵانی ئەفغانستان تا ساڵی داھاتوو بەرەوڕووی بەدخۆراکی ببنەوە، تا دێت دەستگەیشتنی خەڵک بە خزمەتگوزارییە بنەڕەتییەکان کەم دەبێتەوە و خەریکە کارەساتێکی مرۆیی رووبدات”.

ئەنتۆنیۆ گوتیرێس جەختیشی کردووەتەوە: “گەلی ئەفغانستان لە ھەموو کات زیاتر پێویستییان بە پشتیوانیی کۆمەڵگەی نێودەوڵەتییە و بەھۆی وشکەساڵی و نزیکبوونەوەی سەرمای سەختی زستان، پێویستی زۆرتریان بە خۆراک، شوێنی مانەوە و پێداویستیی پزیشکیی دەبێت”.

بەشی بکە لە
Previous Next
Close
Test Caption
Test Description goes like this