مەلا عەبدولغەنی برادەر دەبێتە سەرۆکی حکومەتی داهاتووی ئەفغانستان

0
437

SNN

بەپێی سەرچاوەکانی ناو بزوتنەوەی تاڵیبان، بڕیارە بەرپرسی مەکتەبی سیاسی ئەو بزوتنەوەیە سەرۆکایەتی حکومەتی داهاتوو بکات.

سێ سەرچاوە لە ناو بزوتنەوەی تاڵیبانەوە بە رۆیتەرزیان وتووە، مەلا عەبدولغەنی برادەر بەرپرسی مەکتەبی سیاسی بزوتنەوەکە دەبێتە سەرۆکی نوێی حکومەتی ئەفغانستان.

ئاماژەیان بەوەشکردووە، مەلا محەمەد یەعقوب کوڕی مەلا عومەر دامەزرێنەری تاڵیبان و شێر محەمەد ئیستکانزی لە سەرکردە دیارەکانی ئەو بزوتنەوەیە پۆستی باڵایان پێدەدرێت.

مەلا عەبدولغەنی برادەر لەدایکوبووی 1968ە و لە کەسە نزیکەکانی دامەزرێنەری تاڵیبان بووە و چەندین بەرپرسیارێتی باڵای لەو بزوتنەوەدا هەبووە، دوای هەشت ساڵ بەندکردنی لە پاکستان ساڵی 2018 ئازادکرا و سەرۆکایەتی دانوستانەکانی تاڵیبان و ئەمریکای لە دەوحەی قەتەر گرتە ئەستۆ.

بەشی بکە لە
Previous Next
Close
Test Caption
Test Description goes like this