پارێزەرێک: دروستکردنی ترس و دڵەڕاوکێ لەلایەن زانا عەبدولرەحمانەوە سزای یاسایی هەیە

0
436

SNN-عەلی حەمە سەعید

پارێزەرێكی یاسایی ئاماژە بەوەدەكات بڵاوكردنەوەی دڵەڕاوكێ‌ و تۆمەت لەیەكێك لە دەزگاكانی ڕاگەیاندن یان سۆشیال میدیا ئەگەر كاریگەری لەسەر كۆمەڵگا هەبێت ئەوا بە گوێرەی یاسا دەبێت داواكاری گشتی سكاڵا تۆمار بكات و سزای ئەو كەسەشی كە تۆمەتەكەی بڵاو كردووەتەوە نابێت لە شەش مانگ زیاتر بێت و لە سێ‌ ساڵ كەمتر نەبێت.

كارزان سەلام پارێزەری یاسایی بە SNNی ڕاگەیاند: بەگوێرەی یاسا ئەو كەسەی كە تۆمەتێك بڵاو بكاتەوە كە ببێتە هۆی بڵاوبوونەوەی ترس و دڵەڕاوكێ‌ لەناو كۆمەڵگادا بەگوێرەی مادەی 433 لە یاسای سزادانی عێراقی مامەڵەی لەگەڵ دەكرێت، هاوكات ئەگەر ئەو كەسە لە ڕێگەی دەزگایەكی ڕاگەیاندن یان سۆشیال میدیا تۆمەتەكە بڵاو بكاتەوە ئەوە بەگوێرەی مادەی ( 9 ) لە یاسای ڕۆژنامەگەری مامەڵەی لەگەڵ دەكرێت و سزاكەشی نابێت لە شەش مانگ كەمتر و سێ‌ ساڵ زیاتر بێت.

ئاماژەی بەوەشكرد، ئەو كەس و لایەنانەی كە دەبێت سكاڵا لەسەر ئەو كەسە تۆمار بكەن چەند لایەنێكن بۆنمونە ئەگەر تۆمەتەكە بەرامبەر بە شەخسێك بێت دەبێت ئەو شەخسەی تۆمەتەکەی ئاراستە كراوە سكاڵا تۆمار بكات، ئەگەر تۆمەتەكە بەرامبەر بە لایەنێك یان دامەزراوەیەكی حكومی بێت دەبێت ئەو دامەزراوە لایەنە سكاڵا تۆمار بكەن، ئەگەر تۆمەتەكەش ئاراستەی كۆمەڵگا كرا بێت دەبێت داواكاری گشتی بێتە سەرخەت و سكاڵا بەرامبەر ئەو كەسە تۆمار بكات.

ئەو پارێزەرە یاساییە ئەوەشی خستەڕوو، ئەوكەسەی كە بانگەشەی ئەوە دەكات لەم مانگەدا 19 تۆن مادەی هۆشبەر هاتووەتە هەرێمی كوردستان دوو لایەن بۆیان هەیە سكاڵا تۆمار بكەن، لایەنێك وەزارەتی ناوخۆیە بەو پێیەی ئەوان بەرپرسن لە ئەمنیەت و ڕێگریكردن لە هاوردەكردنی مادە هۆشبەرەكان، لەلایەكی دیكەشەوە داواكاری گشتی بۆی هەیە سكاڵا تۆمار بكات چونكە ئەو جۆرە تۆمەتانە پەیوەندی بە شكۆی وڵاتەوە هەیە.

لەلایەكی دیكەوە سەرچاوەیەك لە ئاسایشی هەرێم ئەوەی بۆ SNN ڕوونكردەوە كە ئەوەی باس لە هاوردەكردنی 19 تۆن مادەی هۆشبەر دەكات بۆ هەرێمی كوردستان، دوورە لە راستییەوە چونكە ئەو بڕەی كە باسی كراوە هێندە زۆرە بەهیچ جۆرێك هیچ باندێكی تایبەت بە مادە هۆشبەرەكانیش ناتوانن لە مەرزەكانەوە كاری لەو شێوەیە ئەنجام بدەن لە كاتێكدا لە دوای بڕیارەكانی ( قوباد تاڵەبانی) بە جێگیركردنی هێزەكانی ئۆپەراسیۆنی ئاسایشی هەرێم كاری قاچاخچێتی و كاری نایاسایی بە تەواوی لە فڕۆكەخانە و مەرزەكانی باشماخ و پەروێزخان كۆنترۆڵكراوە، بۆیە ئەوەی بڵاوكراوەتەوە جگە لەوەی تۆمەتێكی گەورە و ناوزڕاندنی هەرێمی كوردستان و دروستكردنی ترس و دڵەڕاوكێیە لای هاووڵاتیان هیچی دیكە نییە و بێگومان لەم جۆرە تۆمەتانەش بێدەنگ نابین.

وتەكانی ئەو پارێزەرەو بەرپرسانی ئاسایشی هەرێم لە كاتێكدا كەیە ئەمڕۆ (زانا عەبدلوڕەحمان) پەرلەمانتاری پێشوو لە فەیسبوكی خۆی ئەوەی بڵاو كردووەتەوە كە گوایە لەماوەی ئەم مانگەدا كە تەنها پێنج ڕۆژی لێ ڕۆشتووە 19 تۆن مادەی هۆشبەر لەناو باری مریشكی بەستوو و تەماتە هاوردەی هەرێمی كوردستان كراوە.

بە گوێرەی بەدواداچوونەكانی SNN لە هەردوو مەرزی باشماخ و پەروێز لەدوای بڕیارەكانی قوباد تاڵەبانی بە جێگیركردنی هێزەكانی ئۆپەراسیۆنی ئاسایشی هەرێم كاری قاچاخچێتی و كاری نایاسایی لە %100 كۆتایی هاتووە.

بەشی بکە لە
Previous Next
Close
Test Caption
Test Description goes like this