بافڵ تاڵەبانی پێشوازی لە لێپرسراوی ھێزە تایبەتەکانی ئیتاڵیا لە عێراق و سووریا کرد

0
229

SNN

ئەمڕۆ دووشەممە، بافڵ تاڵەبانی هاوسەرۆکی یەکێتیی نیشتمانیی کوردستان لە دەباشان پێشوازی لە جەنەراڵ فابرۆ، لێپرسراوی ھێزە تایبەتەکانی ئیتاڵیا لە عێراق و سووریا کرد، و له‌ دیدارەكه‌دا وەستا رەسوڵ، راوێژکاری سەربازی ھاوسەرۆک ئامادەبوو، پێشهاتەکان به‌گشتی و هەماهەنگی نێوان هێزەکانی هەرێمی کوردستان و هاوپەیمانان، بارودۆخی ئه‌منی ‌ناوچه‌كه‌ و جه‌نگی دژ به‌ تیرۆر له ‌عێراق و سووریا و هه‌وڵه‌كان بۆ كۆتاییهێنان بە پاشماوەکانی تیرۆریستانی داعش تاوتوێكرا.

بافڵ تاڵەبانی وێڕای دەربڕینی سوپاسگوزاری بۆ ھێزەکانی ھاوپەیمانان بەتایبەت ھێزەکانی ئیتاڵیا کە ھاوکار و پشتیوانی بەردەوامبوون لەجەنگی رووبەڕووبوونەوەی تیرۆر و مەشقپێکردنی ھێزەکانی پێشمەرگە و داوایکرد، هەماهەنگی و هاریکارییەکان بەردەوامبن لە رێکخستنەوە و یەکگرتنەوەی یەکە سەربازییەکان.

لە درێژەی کۆبوونەوەکەدا هاوسەرۆک رایگەیاند، هەماهەنگی و هاوکاری نێوان هێزی پێشمەرگە و هاوپەیمانان زۆر گرنگە و دەبێت هەموومان هاوکاربین لەپێناو پارێزگاریکردن لە دەستکەوتەکان و سەقامگیری و ئارامیی ناوچەکە. دەبێت هاریکاری زیاتر هەبێت لەنێوان هێزەکانی هەرێمی کوردستان و عێراق و هاوپەیمانان بۆ ئەوەی بۆشایی ئەمنی دروست نەبێت و هەموومان پێکەوە ئاسایشی ناوچەکە بپارێزین.

بەشی بکە لە
Previous Next
Close
Test Caption
Test Description goes like this