تورکیا: تا ئەمریکا لە سوریا بێت لەو وڵاتە دەمێنینەوە

0
256
مەولود چاوشئۆغلو

SNN

مەولود چاوشئۆغلو وەزیری دەرەوەی تورکیا رایگەیاند: مانەوەی هێزەکانی ئەمریکا لە سوریا پەیوەستە بە کێڵگە نەوتییەکانی سوریاوە، لەبەر ئەوە ئێمەش هێزەکانمان لە سوریا دەهێڵینەوە.

چاوشئۆغلو رایگەیاند: “دەبێت ئەمریکا ئەوەی لەیادبێت کە لەسەر داوای حکومەتی سوریا لەو وڵاتەدا نییە و هیچ سنوورێکی لەگەڵ سوریادا نییە”.

بەم جۆرەش شەرعیەتیدا بە مانەوەی هێزەکانی تورکیا لە سوریا کە “تورکیا سنووری هاوبەشی لەگەڵ سوریادا هەیە و مەترسی تیرۆر لەئارادایە (بە تێڕوانینی تورکیا هێزە کوردییەکانی رۆژئاوا تیرۆرستن)، لەبەر ئەوە تورکیا مافی ئەوەی هەیە هێزی لە سوریادا هەبێت”.

لە درێژەی قسەکانیدا وەزیری دەرەوەی تورکیا وتی: “پشتیوانی لە یەکپارچەیی خاکی سوریا دەکەین”.

ئەمریکا لە سەرەتای سەرهەڵدانی رێکخراوی داعشەوە لە سوریادا بنکەی سەربازی دروستکردووە و شان بە شانی هێزەکانی سوریای دیموکرات توانییان رێکخراوی داعش لە وڵاتەکە تێکبشکێنن، ئێستاش بەردەوامە لە پشتیوانییەکانی بە پێدانی چەک و تەقەمەنی و راهێنانکردن بە هەسەدە.

سەبارەت بە بوونی هێزەکانی ئەمریکا لە نزیک کێڵگە نەوتییەکانی سوریا کە لەژێر دەستی ئیدارەی خۆسەری رۆژئاوادان، لە سەردەمی ئیدارەی ترەمپدا، سەرۆکی ئەمریکا یاسایەکی دەرکرد کە هێزەکانی ئەمریکا پارێزگاری لەو کێڵگە نەوتییانە بکەن بۆ ئەوەی “نەکەونە ژێر دەستی داعش و حەشدی شەعبی” بەتایبەت لەکاتێکدا کە کۆمپانیایەکی ئەمریکی کاری لە کێڵگە نەوتییەکاندا دەکرد، دواتر و لەگەڵ هاتنی ئیدارەی بایدندا، بڕیاری پاراستنی کێڵگە نەوتییەکان لەلایەن هێزی ئەمریکییەوە و مۆڵەتی کۆمپانیاکەش لەو کێڵگە نەوتییانە هەڵوەشایەوە.

تورکیاش لە رابردوودا بە پاڵپشتیکردنی چەند گروپێکی چەکداری سوری، کە دیارترینیان بەرەی نوسرەیە (لقێکی پێشووی سەر بە قاعیدەیە)، هێزی لە سوریا هێشتووەتەوە و بە چەند ئۆپراسیۆنێکی فراوان لە ساڵانی رابردوودا، چەند ناوچەیەکی رۆژئاوای کوردستان و باکووری سوریای خستووەتە ژێر دەسەڵاتی خۆی و ئەو گروپە چەکداریانەی کە تورکیا پشتیوانی دەکات،

بەشی بکە لە
Previous Next
Close
Test Caption
Test Description goes like this