قوباد تاڵەبانی بۆ گەنجانی کەرکوک “ئەم ھەڵبژاردنە بۆ خەڵکی کوردستان و کەرکوکییەکان چارەنووسازە”

0
159

SNN

قوباد تاڵەبانی سەرۆکی لیستی هاوپەیمانی کوردستان رایگەیاند: چاوەڕوانی ئەوە لە گەنج و لاوانی کەرکوک دەکەن لەپرۆسەی بانگەشە و دەنگدان بە ھاوپەیمانی کوردستان رۆڵی سەرەکی و گەورەبگێڕن.

لە چوارچێوەی بانگەشەی ھاوپەیمانی کوردستان ئەمڕۆ ھەینی 10ی ئەیلول، قوباد تاڵەبانی سەرۆکی ھاوپەیمانی کوردستان لەگەڵ ژمارەیەک گەنج و لاوی پارێزگای کەرکوک کۆبووە، لە کۆبوونەوەکەدا سەرۆکی ھاوپەیمانی کوردستان داوای لە گەنجان و لاوان کرد، ڕۆڵی سەرەکی و گەورە بگێڕن لە سەرخستنی ھاوپەیمانی کوردستان و کاندیدەکانی.

لەبارەی بایەخی ھەڵبژاردنی ئەنجومەنی نوێنەرانی عێراقەوە، قوباد تاڵەبانی رایگەیاند، ئەم ھەڵبژاردنە بۆ خەڵکی کوردستان و کەرکوکییەکان گرنگ و چارەنوسسازە، بەتایبەت نابێت بھێڵین مەترسی ھەبێت لەسەر قەوارەی ھەرێمی کوردستان بۆ ئەوەش پێویستە ھانی دەنگدەرانی شارەکە بدرێت بەشداری پرۆسەی ھەڵبژاردن بکەن و دەنگ بە کاندیدەکانی ھاوپەیمانی کوردستان بدەن تا پیلانی ئەو ھێزو لایەنە سیاسیانە پوچەڵبکرێتەوە دەیانەوێ ببنە رێگر لەبەردەم بەدەستھێنانی مافە دەستوورییەکانی گەلی کوردا لە عێراقدا.

قوباد تاڵەبانی سەرۆکی ھاوپەیمانی کوردستان وتیشی: “کاندیدەکانی ھاوپەیمانی کوردستان کەسانی ئەکادیمی و شارەزا و لێھاتوون، دەتوانن رۆڵی باش ببینن لە چارەسەرکردنی کێشەکان لە بەغداد و کاربکەن بۆ پاراستنی سەقامگیری و پێشکەشکردنی خزمەتگوزاری باشتر بەھاووڵاتیان”.

بەشی بکە لە
Previous Next
Close
Test Caption
Test Description goes like this