بەریتانیا: بەهۆی ئەفغانستانەوە مەترسی تیرۆر لەسەر وڵاتەکەمان هەیە

0
231

SNN

هەواڵگری بەریتانیا هۆشداریدا لەوەی لەدوای دەستپێکردنی حوکمی تاڵیبان لە ئەفغانستان، مەترسی تیرۆر لەسەر بەریتانیا دروستببێت.

کیم ماکاڵۆم سەرۆکی دەزگای هەواڵگری بەریتانیا ئەمڕۆ لە لێدوانێکیدا بۆ تۆڕی هەواڵی بی بی سی وتی: “دەستگرتنی تاڵیبان بەسەر ئەفغانستاندا تیرۆرستانی هانداوە و بوێری بۆیان گەڕاندووەتەوە پێشبینی دەکەین لەلایەن قاعیدەوە پیلانی هێرشکردنەسەر وڵاتانی رۆژئاوا دابڕێژرێت”.

ماکاڵۆم ئۆباڵی ئەو هێرشە پێشبینیکراوانەی خستەئەستۆی کشانەوەی هێزەکانی ناتۆ و ئەمریکا لە ئەفغانستان.

ئاماژەی بەوەشکرد کە ئەفغانستان لەئێستادا ژینگەیەکی گونجاوە بۆ مەشق و راهێنانکردنی چەکدارانی قاعیدە و پیلانگێڕییان، هەمان ئەو ژینگەیەیان بۆ رەخساوە کە لە 11ی سێپتێمبەر هەیانبوو.

وتیشی کە لە ماوەی چوار ساڵی رابردوودا 31 هێرشی تیرۆرستی لە بەریتانیا پوچەڵکراونەتەوە، راشیگەیاند: “نازانم بڵێم بەراورد بە هێرشەکانی 11ی سێپتێمبەری 2001، ئێستا بەریتانیا سەلامەتترە یاخود نا”.

قسەکانی ئەو بەڕێوەبەرەی هەواڵگری بەریتانیا لەکاتێکدایە سبەینێ یادی هێرشەکانی 11ی سێپتێمبەری 2001ە کە وایکرد ئەمریکا بچێتە جەنگەوە لە ئەفغانستان و تاڵیبان لەناوبەرێت، بەڵام دوای 20 ساڵ جارێکی دیکە حوکمیان گرتەوەدەست.

بەشی بکە لە
Previous Next
Close
Test Caption
Test Description goes like this