سبەینێ زیاتر لە یەک ملیۆن و 800 هەزار خوێندکار دەست بە خوێندن دەکەنەوە

0
154

SNN

وەزیری پەروەردەی حکومەتی هەریمی کوردستان رایگەیاند، سبەینێ زیاتر لە یەک ملیۆن و 800 هەزار خوێندکار لە خوێندنگە حکومی و ناحکومیەکان دەست بە خوێندن دەکەنەوە و باسی لەوەشکرد، بەشێک لە قۆناغەکان بۆ ماوەی سێ هەفتە پێداچوونەوە بە وانەکانی ساڵی رابردوو دەکەن وەک قەرەبووکردنەوە.

 

ئالان حەمە سەعید، وەزیری پەروەردەی حکومەتی هەرێمی کوردستان رایگەیاندوە: “سبەی 14ی ئەیلوول دەرگەی ناوەندەکانی خوێندنی سەر بە وەزارەتی پەروەردە هەر لە باخچەی منداڵان و قوتابخانە بنەڕەتییەکان و خوێندنگە ئامادەییەکان و پەیمانگاکانیش دەکرێنەوە”.

 

راشیگەیاندوە: “زیاتر لە ملیۆنێک و 725 هەزار خوێندکارمان لە گشت قۆناخەکانی خوێندن هەیە، لە کەرتی ناحکومیش زیاتر لە 90 هەزار خوێندکار لەو کەرتە دەخوێنن، واتە زیاتر لە ملیۆنێک و 800 هەزار خوێندکار لە ناوەندەکانی خوێندن دەست بە خوێندن دەکەنەوە”.

 

باسی لەوەشکردوە: “ئەوەی گرنگە بە نسبەت ئێمە رێکارەکانی خۆپارێزی جێبەجێ بکرێت و پێویستە مامۆستایان ڤاکسین وەربگرن بۆ ئەوەی پارێزراوبن و بتوانین ساڵێکی باش و سەقامگیر بەڕێبکەین. لەگەڵ ئەوەشدا رێکارەکانی دیکەی خۆپارێزی لە بەستنی دەمامک لە ناوەندەکانی خوێندن ناچارییە و پێویستە جێبەجێ بکرێت، وەکو وەزارەتی پەروەردە دوو ملیۆن و 500 هەزار ماسک و 50 هەزار پاککەرەوە (معقم)مان بۆ ناوەندەکانی خوێندن دابینکردووە و لە چەند رۆژی ئاییندە بەسەریان دابەش دەکرێت”.

 

سەبارەت بەو ماوەیەی کە بەهۆی کۆرۆناوە خوێندنگەکان داخران، ئالان حەمەسەعید وتی: “ئێمە ماوەیەکمان داناوە بۆ قەرەبووکردنەوە، قۆناخەکانی (2-3-4-5-6-8-9)ی بنەڕەتی لەگەڵ قۆناخی 11ی ئامادەیی سێ هەفتەیان بۆ دانراوە لەگەڵ دەستپێکی دەوام، بەڕێوەبەرایەتیی گشتیی پرۆگرامەکان ئەو بەشەوانانەی دیاریکردووە کە پێویستە لە ماوەی ئەو سێ هەفتەیە بدرێت بە خوێندکاران”.

بەشی بکە لە
Previous Next
Close
Test Caption
Test Description goes like this