قەیرانی وەچە نەخستنەوە هەڕەشە لە ئابوری بەریتانیا دەکات

0
277

SNN

بەگوێرەی لێکۆڵینەوەیەکی نوێ لە بەریتانیا رێژەی منداڵبوون و وەچە خستنەوە لەو وڵاتە دابەزیوە و ئەوەش لە داهاتوودا مەترسی بۆ سەر هێزی کار و ئابوری وڵاتەکە دروست دەکات.

دامەزراوەی بازاڕی کۆمەڵایەتی بڵاویکردەوە، رێژەی وەچە خستنەوە کە پێویستە بۆ بە جێگیری هێشتنەوەی ژمارەی دانیشتوان، لانیکەم 2.1٪بێت، لە ئێستادا بۆ 1.58٪ دابەزیوە.

لە لێکۆڵینەوەکەدا باس لەوە کراوە کە دابەزینی رێژەی منداڵبوون لە داهاتوودا گرفتی نەبوونی هێزی کار دروست دەکات و هاتووە “لەئێستادا لە کۆی هەر 10 کەسێک کە کار دەکەن سیانیان تەمەنیان لە سەروو 65 ساڵەوەیە، بەڵام لە 10 ساڵی داهاتوودا ئەم رێژەیە بۆ 3.5 کەس بەرزدەبێتەوە و لە ساڵی 2060دا دەگاتە چوار کەس”.

ئاماژە بەوەش دراوە کە تا ساڵی 2050 لە هەر چوار بەریتانییەک یەکێکیان تەمەنی دەگاتە سەروو 65 ساڵ، بەم هۆیەوە هێزی کار کەمدەبێتەوە و ئەو کەسانەی پێویستییان بە هاوکاری دەوڵەت و مووچەی خانەنشینی هەیە زیاد دەکەن.

لە راپۆرتەکەدا باس لەوە کراوە کە قەیرانی منداڵبوون ئابووری بەریتانیا بۆ ماوەیەکی درێژ تووشی پەککەوتن دەکات و ئاماژە بەوەش دراوە کە بەشێک لە وڵاتانی جیهان بۆ زیادبوونی رێژەی منداڵبوون بەشێوەیەکی راستەوخۆ پاڵپشتی دارایی دەدەن بە دایکان و باوکان.

بەشی بکە لە
Previous Next
Close
Test Caption
Test Description goes like this