SNN دوایین زانیاری لە بارەی گرژییەکەی تووەسپی بڵاودەکاتەوە

0
281

SNN

لە کاتی رێگری هێزەکانی پۆلیسی دارستان لە زێدەڕۆیی چەند کەسیک بۆ سەر موڵکی گشتی لە گەڕەکی تووە سپی ئەو شارە، لە لایەن زێدەڕۆکارانەوە هێرشیان کرایە سەر و بە هۆیەوە بەڕێوەبەری پۆلیسی دارستان و شەش پۆلیس بە بەرد و فیشەک بریندار کران.

لەو بارەوە عەمید هێمن کەمەرخان، وتەبێژی پۆلیسی دارستانی سلێمانی بە SNNی راگەیاند: پاراستنی ناوچەی تووە سپی و رێگری لە زێدەڕۆیی لەو ناوچەیە، کە پێشتر لە ئەستۆی لیوای یەکی پاراستنی سلێمانی بووە، ماوەی سێ رۆژە بە پۆلیسی دارستان سپێردراوە و بە فەرمانی دادوەر و بە مەبەستی رێگری لە دەستدرێژی بۆ سەر موڵکی گشتی، مەفرەزەکانیان لە ئەرکدابوو.

وتیشی: لە کاتی رێگری لەو کەسانەی بە زێدەڕۆیی خانوویان دروست دەکرد، هێرشکراوەتەسەر هێزەکانی پۆلیسی دارستان و بە بەرد و فیشەک شەش پۆلیس و عەمید ئاری رەئوف بەڕێوەبەری پۆلیسی دارستان برینداربوون.

وتیشی، لە کاتێکدا زێدەڕۆکاران تەقەیەکی زۆریان کردووە، هێزەکانی پۆلیسی دارستان بۆ رزگارکردنی بریندارەکان ناچاربوون تەقە بە ئاسماندا بکەن و لەئێستادا بەڕێوەبەری پۆلیسی دارستان لە نەخۆشخانەیە و نەشتەرگەری بۆ دەکرێت.

بەشی بکە لە
Previous Next
Close
Test Caption
Test Description goes like this