قوباد تاڵە‌بانی لە‌ ئاكرێوە‌: بە‌یە‌كە‌وە‌ لە‌م ھە‌ڵبژاردنە‌ ھاوسە‌نگی ھێز دە‌گێڕینە‌وە‌

0
161

SNN

ئەمڕۆ پێنج شەممە 23ى 9ى 2021، قوباد تاڵەبانی سەرۆکی هاوپەیمانی کوردستان سەردانی دەڤەرى بادینانی کرد و لەیەکەم وێستگەى سەردانەکەىدا بۆ ئاکرێ، لەبارەگاى کۆمیتەى رێکخستنی ئاکرێی (ی.ن.ک) لەگەڵ کادرانی یەکێتی و بزووتنەوەى گۆڕاندا کۆبۆوە.

لەو کۆبوونەوەیەدا کەئاراس محمد ئاغا لێپرسراوی مەڵبەندی ٤ی رێکخستنی دهۆکی یەکێتی و ئیمان عەبدولرەزاق کاندیدی ژمارە 26 لەبازنەى 3 لەپارێزگاى دهۆک ئامادەیبوون، سەرۆکی هاوپەیمانی کوردستان بەکادر و هەڤاڵانی راگەیاند: ئە‌م ھە‌ڵبژاردنە‌ زۆر گرنگ و چارەنوسسازە‌ بۆیە دەبێ بەهەمووان هەوڵى سەرخستنی هاوپەیمانی کوردستان و کاندیدەکانی بدەین لەپێناو بەهێزکردنی پێگەى کورددا لەبەغدا.

قوباد تاڵەبانی وتیشی: راستە گلە‌ییتان لە شێوازی‌ حوكمڕانی ھە‌یە‌، بەوپێیەى ئەم هەڵبژاردنە بۆ ئەنجومەنى نوێنەرانی عێراقە دەتوانین بەناردنی نوێنەری بەهێزی هاوپەیمانی کوردستان بۆ بەغدا رێگری بکەین لەهەر هەوڵێکی زیانگەیاندن بەئەزموونی هەرێمەکەمان و کاربکەین بۆ بەدیهێنانی داخوازییە رەواکانی گەلەکەمان.

سەرۆکی هاوپەیمانی کوردستان بەگرنگییەوە باسى لەم هاوپەیمانێتییە کرد و وتی: یە‌كێتی و گۆڕان بڕیاریانداوە‌ بە‌یە‌كە‌وە‌ كاربكە‌ن لە‌پێناو یە‌كڕیزی و زامنکردنی مووچە‌ و خزمە‌تگوزاری باشتر و سە‌قامگیری، جەختیشیکردەوە کەناھاوسە‌نگی ھێز گرفتە‌، بۆیە‌ دە‌بێت لە‌ڕێی ئەم ھە‌ڵبژاردنە‌وە‌ ھاوسە‌نگی ھێز بگێڕینە‌وە.

قوباد تاڵە‌بانی لە‌ئاكرێوە رایگەیاند: سەقامگیری سیاسی و ئابوری و كۆمە‌ڵایە‌تی دە‌گێڕینە‌وە‌ و لە‌بە‌غدادە‌وە‌ بە‌دە‌نگێكی زوڵاڵە‌وە‌ بە‌رگری لە‌ مافە‌كانتان دە‌كە‌ین، و ناھێڵین مافی كە‌س پێشێل بكرێت.

لەکۆتایی کۆبوونەوەکەدا کادرانی یەکێتی و گۆڕان سەرنج و تێبینییەکانی خۆیان خستەروو لەسەر شێوازی بەرێوەچوونی بانگەشەى هەڵبژاردنی هاوپەیمانی کوردستان، هاوکات پەرۆشی خۆیان نیشاندا بۆ کارکردن لەپێناو سەرخستنی کاندیدەکانی هاوپەیمانی کوردستان.

بەشی بکە لە
Previous Next
Close
Test Caption
Test Description goes like this