قوباد تاڵەبانی “ئەم هاوپەیمانێتییە تەنیا بۆ هەڵبژاردن نییە”

0
128

SNN

ئەمڕۆ یەکشەممە 26ی ئەیلول، قوباد تاڵەبانی سەرۆکی هاوپەیمانی کوردستان سەردانی قەزاى پێنجوێنی کرد و بەشداری کرد لە کەرنەڤاڵى ناساندنی کاندیدەکانی هاوپەیمانی کوردستان.

لەو کۆبوونەوە فراوانەدا بەئامادەبوونی چرۆ حەمە شریف کاندیدی ژمارە 20ى بازنەى 3 ی هاوپەیمانی کوردستان لەپارێزگاى سلێمانی، قوباد تاڵەبانی رایگەیاند بەرەو هەڵبژاردنێکی چارەنوسساز هەنگاو دەنێین تا بتوانین باشترین و بەهێزترین نوێنەرى هاوپەیمانی کوردستان بنێرینە بەغدا تا بەرگرى لەمافەکانی کۆمەڵانی خەڵکى کوردستان بکەن.

سەرۆکی هاوپەیمانی کوردستان وتیشی: “نەهاتووم پەردەپۆشی هیچ کەم و کورتییەکى حوکمڕانی بکەم، بەڵام هاتووم ئەوەتان بۆ روون بکەمەوە بۆچی گرنگە بەشداری هەڵبژاردن بکەین، قوباد تاڵەبانی ئاماژەی بەوەشکرد، کوردستان لەم چوارساڵەى ئایندە تووشى رکابەرى زیاتر دەبێتەوە لە رووى ئابوورى و دارایی و ئەمنی و سەربازیشەوە، جەختیشی کردەوە کە ئاراستەیەک هەیە بۆ کەمکردنەوەى دەسەڵاتى هەرێمی کوردستان و سنووردارکردنی مافەکانی کۆمەڵانی خەڵکی کوردستان بەگۆڕینی دەستوورى عێراقی، بۆیە پێویستە رووبەرووى ئەمە ببینەوە و ئەم شەڕە لەبەغداد بکەین بەناردنی نوێنەرى باشی ئێوە بۆ پارلەمانی عێراق، تا پارێزگارى لە قەوارەى هەرێمی کوردستان بکەین”.

سەرۆکى هاوپەیمانی کوردستان وتیشی جاران رکابەرییەکی ناوخۆیی هەبوو بۆیە دەنگەکانی خۆمان پەرت و بڵاوکردبوو، بەڵام بۆمان دەرکەوت کە تا پەرت و بڵاوبین لاوازین، کەلاواز بووین ناوچەکانمان دەکەوێتە ژێر مەترسییەوە بۆیە بریارمان داوە ئەمجارە لەژێر چەتری هاوپەیمانی کوردستان بەیەکەوەبین، بەیەکەوە باشتر ئەتوانین بەرگرى لە‌ مافەکانی کورد بکەین.

لەدرێژەى وتەکانیدا قوباد تاڵەبانی رایگەیاند ئەم هاوپەیمانێتییە تەنیا بۆ ئەم هەڵبژاردنە نیە، بۆ گەڕاندنەوەى ئارامی و سەقامگیرییە بۆ ناو کۆمەڵگەى ئێمە، یەکێک لەئامانجەکانیشی پاراستنی یەکڕیزییە، گەڕانەوەى سەقامگیری سیاسی و ئابوورى و کۆمەڵایەتییە، بەم شێوەیە کوردستان ئەپارێزین و گەشەى پێئەدەین.

لەکۆتایی وتەکانیدا قوباد تاڵەبانی سەرۆکی هاوپەیمانی کوردستان جەختی کردەوە کەهەموو ئەو ئامانجانە بەوە دەکرێت کە رۆژى 10 ى 10 خۆمان و دۆستەکانمان و ئەو کەسانەش کۆبکەینەوە کەبەهەر هۆکارێک بێ دوورکەوتبنەوە، و بەیەک دەنگی و بەیەک دەستی بچینە سەر سندوقەکانی دەنگدان و کاندیدەکانی هاوپەیمانی کوردستان هەڵبژێرین و بیکەینە جێ متمانەى خۆمان، دڵنیام سەردەکەوین لەم قۆناغە سەختە و بەرەو سەرکەوتنی تر هەنگاو دەنێین و خزمەتگوزاریی زیاتر دەبێ و ئارامی زیاتر بەدەست دێت.

بەشی بکە لە
Previous Next
Close
Test Caption
Test Description goes like this