دەنگدان لە کەمپی ئاوارەکان لە ژێر چاودێری نێودەوڵەتیدا بەڕێوەدەچێت

0
221

SNN

وەزارەتی کۆچ و کۆچبەرانی عێراق رایگەیاند: هاوشێوەی دەنگدانی گشتی ئامادەکاریی بۆ دەنگدانی ئاوارەکان کراوە و دەنگدان لە کەمپی ئاوارەکان لە ژێر چاودێری نێودەوڵەتیدا بەڕێوەدەچێت.

عەلی عەباس، بەڕێوەبەری گشتی فەرمانگەی کاروباری لقەکان لەوەزارەتی کۆچ و کۆچبەرانی عێراق بەتۆڕی راگەیاندنی عێراقی (واع)ی راگەیاندووە: بۆ هەڵبژاردنە پەرلەمانییەکەی 10ی تشرینی یەکەم لەنێوان وەزارەت و کۆمسیۆن لیژنەی هاوبەش پێکهێنراوە، بەجۆرێک دەنگدان لە کەمپەکان لەژێر چاودێری نێودەوڵەتیدا بەڕێوەدەچێت.

ئاماژەی بەوەشکردووە: لە کەمپی ئاوارەکان لەدهۆک 24 بنکەی دەنگدان و لەپارێزگای سلێمانیش چەند بنکەیەکی دەنگدان لەنزیک کەمپەکان دەکرێنەوە، هەروەها ئەو ئاوارانەی لە دەرەوەی كەمپەكان دەژین، دوای نوێکردنەوەی زانیارییەکانیان دەتوانن لە پارێزگای هەولێر و سلێمانی و لەو شوێنەی بۆیان دیاریکراوە دەنگبدەن.

بڕیارە 10ی تشرینی یەکەمی ئەمساڵ هەڵبژاردنی پێشوەختی پەرلەمانی عێراق بەڕێوەبچێت، لە ئێستادا قەوارە و هاوپەيمانييەکان سەرقاڵی بانگەشەن.

بەشی بکە لە
Previous Next
Close
Test Caption
Test Description goes like this