دوای شکستی باڵی سیاسی حەشد لە هەڵبژاردن، داوایی کۆبوونەوەیەکی بەپەلە دەکرێت

0
938

SNN

سەرچاوەیەکی ئەمنی لە نێو حەشدی شەعبی رایگەیاند: دوای ئەو شکستە گەورەیەی کە بەرەی مقاوەمەی عێراقی لە هەڵبژاردنەکانی عێراق بە دەستی هێنا، قەیس خەزعەلی دوای کۆبوونەوەی بەپەلەی لە سەرجەم لایەنەکانی مقاوەمە کردووە.

سەرچاوەکە ئاماژەی بەوەشکرد، بەرەی مقاوەمەی عێراقی بە سەرۆکایەتی حەشدی شەعبی و گروپە چەکدارەکانی دیکەی وەک عەسایب ئەهل ئەحق، بەم نزیکانە کۆبوونەوە دەکەن بۆ رەتکردنەوەی ئەنجامەکانی هەڵبژاردن و بە بیانووی ئەنجامدانی ساختەکاری و پاشان دیاریکردنی چارەنووسی گروپەکانی مقاوەمە لە عێراق دوای شکستەکەیان لە هەڵبژاردن.

لای خۆشییەوە هادی عامری سەرۆکی هاوپەیمانی فەتح لە گۆنگرەیەکی رۆژنامەوانیدا ئاماژەی بەوەکرد کە بە هیچ جۆرێک ئەنجامی هەڵبژاردنە هاککراوەکەی عێراق قبوڵ ناکەین، باجەکەی هەرچییەک بێت.

ئەنجامە بەرەیاییەکانی هەڵبژاردن ئەوە دەردەخەن کە هاوپەیمانی فەتح و گروپەکانی مقاوەمە کە پێکەوە بەشدارییان لە هەڵبژاردن کرد پاشەکشەیەکی گەورە و بەرچاویان کردووە، بەجۆرێک کە هاوپەیمانی فەتح لە هەڵبژاردنی 2018دا توانی 48 کورسی بەدەستبهێنێت بەڵام لە هەڵبژاردنی ئەمجارەدا ژمارەی کورسییەکانی بۆ 14 کورسی دابەزاند، کە ئەمەش کاریگەری راستەوخۆی لەسەر پێگەو قورسای باڵی سیاسی و عەسکەری مقاوەمەی عێراقی دەبێت.

بەڵام بە پێچەوانەوە کوتلەی سەدری لەم هەڵبژاردنە توانی سەرکەوتنی گەورە بە دەستبهێنێت و بە بردنەوەی 73 کورسی توانی ببێتە یەکەم حزبی عێراق سەرکەوتوو بە سەرۆکایەتی موقتەدا سەدر.

بەشی بکە لە
Previous Next
Close
Test Caption
Test Description goes like this