حەوتەمین ڤیستیڤاڵی هەنار لە شاری هەڵەبجە بەڕێوەدەچێت

0
216

SNN-عەلی حەمە سەعید

بەچاودێری وەزیری كشتوكاڵ و سەرپەرشتی تۆڕی رێكخراوەكانی هەڵەبجە و بەڕێوەبەرایەتی گشتیی كشتوكاڵی هەڵەبجە و كۆمپانیایەكی كەرتی تایبەت، رۆژی 14/10 بە بەشداری سەدان جوتیار و خاوەن بەرهەم حەوتەم ڤیستیڤاڵی هەنار و پایزی هەڵەبجە بۆ بەرهەمە ناوخۆیی و كەلەپورییەكان لەشاری هەڵەبجە بەڕێوە دەچێت و سەرپەرستیارانی ڤیستیڤاڵەكەش ئاماژە بە جیاوازی ڤیستیڤاڵی ئەمساڵ دەكەن.

ئەرسەلان عابید، سەرۆكی تۆڕی ڕێكخراوەكانی هەڵەبجە و یەكێك لەسەر پەرشتیارانی حەوتەم ڤیستیڤاڵی هەڵەبجە بە SNNی ڕاگەیاند: هاوشێوەی شەش ساڵی ڕابردوو ئەمساڵیش سەرجەم ئامادەكارییەكانمان بە كۆتا گەیاندووە بۆ ئەوەی رۆژی 14/10/2021 حەوتەم ڤیستیڤاڵی هەنار و پایزی هەڵەبجە بەڕێوە ببەین ئەوەش بۆ خستنەڕووی بەرهەمی خۆماڵی جوتیاران و بەرهەمی دەستی و كەلەپەری سنورەكە لەو ڤیستیڤاڵەدا، بۆ ئەومەبەستەش ئەمساڵ جیاواز لە ساڵانی رابردوو سەدان جوتیار و خاوەن بەرهەم كاڵاو شمەكەكانیان نمایش دەكەن و بەشداردەبن لە ڤیستیڤاڵەكەدا.

ئاماژەی بەوەشكرد، یەكێك لە جیاوازییەكانی ڤیستیڤاڵی ئەمساڵ لەگەڵ ساڵانی ڕابردوو ئەوەیە كە لە ساڵانی ڕابردوو ڤیستیڤاڵەكە لە شاری یاری هەڵەبجە بەڕێوەدەچوو، بەڵام ئەمساڵ حەوتەم ڤیستیڤاڵ لە یاریگای نێودەولەتی هەڵەبجە كە دەكەوێتە دەروازی شار بەڕێوەدەچێت ئەوەش بەهۆی ئەوەی كە شاری یاری هەڵەبجە تاڕادەیەك دوورە دەست بوو بۆ ئەو گەشتیارانەی كە لەدەرەوە دەهاتن و هەروەها لەكاتی كرینی كاڵاو شمەك گرفتیان بۆ دروست دەبوو تا دەیانگەیاندە لای ئۆتۆمبێلەكانیان بەڵام ئەمساڵ ئەو گرفتە بوونی نابێت.

ئەو سەرپەرشتیارەی حەوتەم ڤیستیڤاڵی هەنار ئەوەشی خستەروو، یەكێكی دیكە لە جیاوازییەكانی ڤیستیڤاڵی ئەمساڵ ئەوەیە كە لە لایەن كۆمپانیایەكی كەرتی تایبەتەوە ئامادەكاری و كاری ڕێكخستنی دوكانەكان ئەنجام دراوە
كە ئەوەش هێندەی دیكە رێكخستن بە ڤیستیڤاڵەكە دەبەخشێت و دەتواندرێت ژمارەیەكی زۆرتری جوتیاران و خاوەن بەرهەمەكان بەشداری لەو ڤیستیڤاڵەدا بكەن.

بەڕێوەچوونی حەوت ڤیستیڤاڵ لەكاتێكدایە كە بەشێك لە جوتیاران و خاوەن بەرهەمە خۆماڵییەكانی هەڵەبجە نیگەرانن لە وادەی ئەنجامدانی ڤیستیڤاڵەكە بەو پێیەی كە هێشتا هەناری هەڵەبجە بە باشی پێنگەشتووە و ئەمساڵ باران بارین وەك پێویست نەبوو بۆیە دەبوو ئەنجامدانی ئەم ڤیستیڤاڵە دوابخرایە بۆ سەرەتای مانگی داهاتوو چونكە ساڵانی ڕابردووش لە سەرەتای مانگی 11 ڤیستیڤاڵی هەنار سازدەكرا.

بەشی بکە لە
Previous Next
Close
Test Caption
Test Description goes like this