فڕۆکەی جەنگی چەند گوندێکی سنوری قەزای ماوەتیان بۆردومان کرد

0
237

عەلی حەمەسەعید-SNN

پێش نیوەڕۆی ئەمڕۆ هەینی چەند فڕۆکەیەکی نەناسراو کە گوماندەکرێت فڕۆکەی تورکیابن بۆردومانی چەند گوندێکی سنوری ناوچەی گەڵاڵەی سەر بەقەزای ماوەتیان کرد، قەیمقامی ماوەتیش زانیاری لەسەر بۆردومانەکە بۆ SNNئاشکرا دەکات.

 

کامەران حەسەن، قایمقامی قەزای ماوەت بە SNNی ڕاگەیاند: پێش نیوەڕۆی ئەمڕۆ هەینی لەلایەن چەند فڕۆکەیەکی نەناسراوەوە ناوچەی ( کوێرەکانی) نزیک لە گوندی گەڵاڵەی قەزای ماوەت بۆردومان کرا، ئەوفڕۆکانەشی بۆردومانەکەیان کردووە فڕۆکەی جەنگی بوون.

 

ئاماژەی بەوەشکرد، “خۆشبەختانە بەهۆی ئەو بۆردومانەوە دانیشتوانی گوندی گەڵاڵە هیچ زیانێکیان پێنەگەشتووە و سەلامەتن بەڵام بووەتەهۆی دروستبوونی ترس و دڵەڕاوکێ لای دانیشتووانی ناوچەکە”.

 

ئەمەجاری یەکەم نییە فڕۆکەی جەنگی بۆردومانی ئەو سنورە بکات، پێشتریش فڕۆکە جەنگییەکانی تورکیا بەبیانووی بوونی گەریلاکانی پەکەکە چەند جارێک بۆردومانی سنوری قەزای ماوەتیان کردووە، بۆیە بۆردومانی ئەمجارەش گوماندەکرێت لەلایەن فڕۆکە جەنگییەکانی تورکیاوە ئەنجام درابێت.

 

بەشی بکە لە
Previous Next
Close
Test Caption
Test Description goes like this