نەتەوەیەکگرتووەکان بەڵگەی نوێی لەسەر تاوانەکانی داعش کۆکردووەتەوە

0
341
هەڵاتنی هاووڵاتیانی ئێزیدی بەهۆی هێرشی داعشەوە، وێنە: رۆدی سەعید، رۆیتەرز

SNN

تیمی لێکۆڵەری نەتەوەیەکگرتووەکان رایگەیاند، بەرەوپێشچوونی باشیان لە لێکۆڵینەوەکانیان سەبارەت بە تاوانەکانی داعش لە عێراق، بەتایبەت تاوانەکانی دژ بە ئێزیدییەکان کۆکردووەتەوە.

تیمەکە راپۆرتێکیان ئاڕاستەی ئەنجومەنی ئاسایشی نەتەوەیەکگرتووەکان کردووە کە وردەکاری لێکۆڵینەوەکانی تاوانەکانی داعشی تیادا خراوەتەڕوو، لەو راپۆرتەدا هاتووە “دوو ملیۆن تۆماری پەیوەندی تەلەفۆنی داعش وەکو بەڵگەی تاوانەکانیان کۆکراوەتەوە”.

هاوکات وردەکاری لێکۆڵینەوەکانی ئەو تیمە سەبارەت بە کۆمەڵکوژی سپایکەر باسکراوە، کە چەکدارانی داعش ئەو تاوانەیان لە حوزەیرانی ساڵی 2014 ئەنجامدابوو.

تیمی لێکۆڵەری نەتەوەیەکگرتووەکان راشیگەیاندووە: “لە شەش مانگی داهاتوودا لەگەڵ حکومەتی عێراقدا کاردەکەین بۆ بەسزاگەیاندنی چەکدارانی داعش تا حکومەتی عێراق بتوانێت تۆمەتەکانی تاوانی جەنگ، تاوانی دژ بە مرۆڤایەتی و جینۆساید بەسەر تۆمەتبارانی داعشدا ساغبکاتەوە”.

تیمی لێکۆڵەری سەر بە نەتەوەیەکگرتووەکان لە کۆتاییەکانی ساڵی 2016دا پێکهێندراوە بۆ کۆکردنەوەی بەڵگە و زانیاری لەسەر تاوانەکانی داعش لە عێراق و سوریا.

بەشی بکە لە
Previous Next
Close
Test Caption
Test Description goes like this