لەسەر نرخی سوتەمەنی داوادەکرێت وەزیری سامانە سروشتییەکان بێتە پەرلەمان

0
261

SNN

جێگری لیژنەی وزە و سامانە سروشتییەکان رایگەیاند: لەسەر بەرزبوونەوەی نرخی سوتەمەنی داوامانکردووە وەزیری سامانە سروشتییەکان بێتە پەرلەمان یاخود لیژنەکەمان سەردانی وەزارەت بکات.

گوڵزار عەلی لە لێدوانێکیدا لەگەڵ دەنگی ئەمریکا باسی لەوەکرد: ” هەرچەندە لیژنەکانی قایمقامیەتی پارێزگاکان هۆشداری دەدەنە فرۆشیارانی غازی ماڵان بەڵام بەرزبونەوەی نرخی غاز گرفتێکی تری هاوڵاتیان بوو کە لەم هەفتەیەدا بۆیان دروستبووە. ”

جێگری سەرۆکی لیژنەی لیژنه‌ى وزه‌ و سامانە سروشتیه‌كان و پیشه‌سازى و بازرگانی دەڵێت”گرفتی کەمی غاز هونەری بووە.، لەو ڕووەوە وتی: هۆکاری کێشەی غاز کە چەند ڕۆژێکە هەیە بۆ ئەوە دەگەڕێتەوە کە پێویستی بە چاککردنەوە هەبوو،(کۆرۆمۆ) ساڵی جارێک دەبێت سیانە بکرێت بۆیە کێشەکە هونەری بوو. ”

وتیشی” ئێستا کێشەی غازمان نیە و چارەسەربووە، ئەوەی هەیە کێشەی بەنزین و نەوتی سپییە بۆ ماڵان. ”

کێشەی کەمبونەوەی سوتەمەنی و بەرزبونەوەی نرخی غاز و نەوتی سپی و بەنزین لە دوای ئەنجامدانی هەڵبژاردنە پێش وەختیەکەی پەرلەمانی عێراق لەهەرێمی کوردستان سەریهەڵدا هەرچەند دوو ڕۆژ لەمەوبەر سەرۆکی حکومەت ڕایگەیاند” لیژنەیەکی لە وەزارەتی سامانە سروشتییەکان ڕاسپاردووە بۆ ئەوەی سەردانی بەغداد بکەن بەمەبەستی دابینکردنی بەشە سوتەمەنی بۆ هەرێمی کوردستان.

 

 

بەشی بکە لە
Previous Next
Close
Test Caption
Test Description goes like this