روونکردنەوە دەدرێت لەبارەی بانگکردنی خاوەن مارکێتێک لەسەر هەرزانکردنی نرخ

0
229

SNN

وەزارەتی بازرگانی لەبارەی ئەو پسوڵەی کە بۆ خاوەن مارکێتێک کراوە لەسەر داشکاندنی نرخەکەی دەڵێت ” ھەندێ شوێن بەناوی داشکاندنەوە کاڵای خراپ دەفرۆشن یان لافیتەی داشکاندن ھەڵدەواسن و لەناوەڕۆکدا داشکاندن نیە دەچێتە خانەی فێڵکردن، هەر بۆيە پسوڵەی بۆکراوە”.

بەڕێوبەرایەتی چاودێری بازرگانی سلێمانی ڕایگەیاند: “بە شێوەیەکی چەواشەکارانە لێکدانەوە بۆ ناوەڕۆکی نوسراوەکەمان کراوە، لەکاتێکدا نوسراوەکە بۆ دڵنیابوونەوەیە لە راستی و دروستی کەمکردنەوەی نرخ لە لایەن ئەو فرۆشیارەی کە داوای لە ئێمە کردووە، چونکە ھەندێک جار فرۆشیاران وەک فێڵێک دابەزاندنی نرخەکان بەکار دەھێنن بۆ سەرنج راکێشانی ھاووڵاتیان”.

دەشڵێت: “لێرەوە بۆ بەرچاو روونی رای گشتی رایدەگەیەنین بەڕێوەبەرایەتییەکەمان لەپاڵ چاودێریکردنی نرخەکان بۆ رێگریکردن لە بەرزبونەوە ھاوکات لەگەڵ ھەموو جۆرە دابەزاندنێکی نرخداین و دەستخۆشی لەھەر خاوەن کار و فرۆشیارێک دەکەین کە نرخی کالاو شومەک لە بەرژەوەندی گشتی کەم بکاتەوە، بەھەموو لایەکشی رادەگەیەنین کارو بەدواداچونی بەڕێوەبەرایەتییەکەمان لە چوارچێوەی رێنماییەکانی وەزارەتی بازرگانی و پیشەسازی ھەرێمدایە کە ھاوپێچی ئەم روونکردنەوەیە کراوە.”

بەشی بکە لە
Previous Next
Close
Test Caption
Test Description goes like this