ئەلیسا لەبارەی کۆنسێرتەکەی بەغدایەوە روونکردنەوە دەدات

0
1085

SNN

ئەلیسا، هونەرمەندی بەناوبانگی عەرەب لەبارەی پۆشینی جلوبەرگی گولـلەنەبڕ لە کۆنسێرتەکەی بەغدا هاتەدەنگ و دەڵێت، بەهیچ شێوەیەک ئەوە ڕاست نییە و پێویستی بەوە نەبووە.

لە چەند ڕۆژی ڕابردوودا ئەلیسا هاتە بەغدای پایتەختی عێراق و کۆنسێرتێکی ئەنجامدا، دواتر لەگەڵ بڵاوکردنەوەی هەندێک وێنەی کۆنسێرتەکە دەنگۆی ئەوە بڵاوبووەوە کە ناوبراو جلوبەرگی گولـلە نەبڕی لەبەرکردووە.

لەوبارەیەوە ئەلیسا لە تویتێکدا ئەمڕۆ سێشەممە ڕایگەیاند: “بەهیچ شێوەیەک ئەو قسانە ڕاست نین و من جلوبەرگی درع و گولـلە نەبڕم نەپۆشیوە و ئەو قسە پووچانە هیچ ڕاستییەکی تێدا نییە.”

ئاماژەی بەوەشکردووە، “من لە بەغدا لەنێو ئەو کەسانی خۆشیان دەوێم و خۆشمدەوێن لەنێو خێزانی خۆمدا بووم و پێویستم بە قەڵغانی پاراستن نەبووە.”

ئەلیسا جەختیشیکردووەتەوە، ئەو لەلایەن تیمێکی ئەمنییەوە وەک هەر هاووڵاتییەک دیکە پارێزراوە و هیواش دەخوازێت باسی ئەو بابەتە نەکرێت، چونکە دوورە لە ڕاستییەوە.

بەشی بکە لە
Previous Next
Close
Test Caption
Test Description goes like this