یەکگرتوو رەتیدەکاتەوە دەستی لە خۆپیشاندانەکەی دهۆکدا هەبووبێت

0
363

SNN

وتەبێژی یەکگرتووی ئیسلامیی کوردستان، رەتیدەکاتەوە دەستیان لە خۆپیشاندانەکەی دهۆکدا هوبووبێت و دەڵێتت “خەڵکی ئێمە وەک فەرمانبەر بەشداربوون نەک حیزب”.
خەلیل ئیبراهیم وتەبێژی فەرمی یەکگرتووی ئیسلامیی کوردستان لە لێدوانێکیدا بۆ دەنگی ئەمریکا وتوویەتی: ” كه‌سی ئێمه‌ وه‌كو خه‌ڵك چووه‌، ئێمه‌ له‌ دهۆك جه‌ماوه‌رمان هه‌یه‌ مامۆستا و فه‌رمانبه‌رن و وه‌ك هه‌ركه‌سێكی تر موچه‌ی نیه”.
سه‌باره‌ت به‌ تۆمه‌تباركردنی حیزبه‌كه‌ی به‌وه‌ی له‌پشت خۆپیشاندانه‌كه‌ی شاری دهۆك-ه‌وه‌یه‌، ده‌ڵێت” جارێ ئه‌مه‌ تاوانێك نیه‌ تا ناوی بنێین تۆمه‌ت، ئه‌وه‌ی له‌ دهۆك شتێكی دیار و ئاشكرایه‌ گردبوونه‌وه‌یه‌ك بوو كه‌ پێشتر ڕاگه‌یه‌نرابوو، فه‌رمانبه‌ران و به‌تایبه‌تی مامۆستایان، ئه‌وان ئه‌نجوومه‌نێكیان هه‌بوو بۆ خۆیان ئه‌و كاره‌یان كردبوو، ئه‌و گردبوونه‌وه‌یه‌ بۆ ماوه‌یه‌كی كورت بوو تا یاداشتێك بده‌ن كه‌ ئه‌مه‌ش شتێكی مه‌ده‌نی و ئاشتیانه‌ و دیموكراسیانه‌یه‌”.
ده‌شڵێت” له‌ سكاڵاكردن و هه‌ڵگرتنی پارێزبه‌ندی سه‌ر په‌رله‌مانتاران-مان ناترسین باسكاڵای خۆیان بكه‌ن، به‌ڵام ده‌ڵێن ده‌ستی پۆلیسێكیان شكاندووه‌، چیه‌ خۆ ئه‌میتایه‌، بڕوسلییه‌ یان جاكیشانه‌ ده‌ستی خه‌ڵك ده‌شكێنێت، ئه‌و قسانه‌ مرۆڤ پێكه‌نینی پێی دێت.
راشیگەیاند: “ڕێگری كردن لێیان شتێكی زۆر خراپه‌ و زۆر ناته‌ندروسته‌، ئه‌و مامه‌ڵه‌یه‌ی هێزه‌ ئه‌منیه‌كان و حكومه‌تی خۆجێی دهۆك له‌گه‌ڵ خۆپیشانده‌ران كردیان مامه‌ڵه‌یه‌كی ته‌ندروست نه‌بوو وه‌ باش نه‌بوو”.
ئەم وتانەی وتەبێژەکەی یەکگرتوو، لە وەڵامی وتەیەکی پێشتری فازڵ میرانی سکرتێری مەکتەبی سیاسی پارتیدابوو کە وتبووی “ئەندامانی یەکگرتوو لەناو خۆپیشاندەرانی دهۆکدا هەبوو کە ئەوەمان لە یەکگرتوو پێشبینی نەدەکرد”.

بەشی بکە لە
Previous Next
Close
Test Caption
Test Description goes like this