نوێترین زانیاری لەبارەی وادەی بەگەڕخستنی پاڵاوگەكەی سلێمانی

0
821
SNN-عەلی حەمە سەعید
دوای ئەوەی لە دوو مانگی ڕابردوودا پاڵاوگەیەكی گەورەی تایبەت بە پاڵاوتنی نەفتا و بەرهەمهێنانی بەنزین لە وڵاتی ئیماراتەوە هێندرایە سنوری ناحییەی عەربەتی سەر بەپارێزگای سلێمانی، بە وتەی بەڕێوەبەری ناحییەی عەربەت لە ماوەی پێنج مانگی داهاتوودا ئەو پاڵاوگەیە دەكەوێتە كار و رۆژانە توانای بەرهەمهێنانی نزیکەی 900 هەزار لیتر بەنزینی دەبێت.

دابان محەمەد عارف، بەڕێوەبەری ناحیەی عەربەتی سەبەرپاریزگای سلێمانی بە SNNی ڕاگەیاند: كارەكانی تایبەت بە گەڕخستنی ئەو پاڵاوگەیەی كە لە ماوەی دوو مانگی ڕابردوودا هێندرایە گوندی ( یەخی ماڵی) ی سنوری ناحیەكەمانەوە بەردەوامی هەیە و لە لایەن كۆمپانیایەكی كەرتی تایبەتەوە سەرپەرشتی دەكرێت و چاوەڕێدەكرێت لەماوەی پێنج مانگی داهاتوودا ئەو پاڵاوگەیە بكەوێتە كار و دەستبەبەرهەمهێنانی بەنزینی جۆری موحەسەن بكات.

ئاماژەی بەوەشكرد، بەوتەی سەرپەرشتیارانی پاڵاوگەكە، ئەو پاڵاوگەیەی هێندراوەتە سنورەكەمانەوە توانایەكی باشی بەرهەمهێنانی بەنزینی هەیە بەجۆرێك ڕۆژانە نزیكەی 900 هەزار لیتر بەنزین لە جۆری موحەسەن بەرهەم دەهینێت ئەوەش پێداویستییەكی زۆری سنورەكە لە بەنزین پڕدەكاتەوە بەتایبەت بۆ سنوری پارێزگای سلێمانی.

بەڕێوەبەری ناحیەی عەربەت ئەوەشی خستەڕوو، پاڵاوگەكە لە دوو تاوەری گەورەو سەرەكی پێكدێت كە درێژیی یەكێك لەتاوەرەكانی 60 مەتر و ئەوی دیكەشیان 43 مەترە و لەلایەن كۆمپانیای كەرتی تایبەتەوە سەرپەرشتی و بەگەڕ دەخرێت.

ماوەیەكە بەهۆی كەمبوونەوەی بڕی بەنزین گرفتی بەرزبوونەوەی نرخی بەنزین لە شارەكانی هەرێمی كوردستان ڕووبەڕووی شۆفێران بووەتەوە ناوبەناو نرخی بەنزین زیاتر بەرز دەبێتەوە.

بەشی بکە لە
Previous Next
Close
Test Caption
Test Description goes like this