ئەنجامدەرانی هێرشەکەی سەر ماڵی کازمی لەگەڵ قائانیدا چووەتە ئەودیو سنوور

0
443

SNN

ڕۆژنامەی ئەلعەرەبی چاپی لەندەن ئەمڕۆ چوارەشەممە، بڵاویكردەوە، زۆربەی ئاماژە و بەڵگەكان لەسەر ئەوەن كەتیبەكانی حیزبوڵڵا و بزووتنەوەی عەسایب لە پشت هێرشكردنە سەر ماڵی كازمی بن بۆ تیرۆركردنی و بەپێی خەمڵاندنە ئەمنییەكانیش ئەنجامدەران هەڵهاتوون بۆ ئێران و دووانیشیان لەگەڵ قائانی چوون بەو دیوی سنووردا.

ڕۆژنامەكە لە ڕاپۆرتێكدا ئاماژە بەوەدەکات، لە دوا كۆبوونەوەی لایەنە شیعەكان لەماڵی عەبادی، كازمی پێداگریی لە لێپێچینەوە كردووە لەگەڵ ئەو دوو گروپەی تێوەگلاون لە هێرشەكان، بەڵام سەركردەكانیان باسیان لەوەكردووە پاڵنەرەكان شەخسین و بەفەرمانی گروپەكانیان نەیانكردووە.

بەگوێرەی راپۆرتی رۆژنامەكە لایەنە شیعەكانی چوارچێوەی هەماهەنگی دەیانەوێت هێرشەكەی سەر ماڵی كازمی پەیوەست بكەنەوە بە كوژرانی خۆپیشاندەرەكانیان لە ئێوارەی هەینی لە بەردەم ناوچەی سەوز بۆ ئەوەی ببنە كەیسی بەرامبەر و دواتر بگەڕێنەوە بۆسەر ئەنجامەكانی هەڵبژاردن كە پێیان وایە تەزویرە، چەند سەرچاوەیەكی ئەمنی عێراقییش ئەوەیان بە رۆژنامەكە ڕاگەیاندووە بەرپرسانی راستەوخۆی هێرشەكان هەڵهاتوون بۆ ئێران و دووان لەوانەش لەگەڵ قائانی عێراقیان بە جێهێشووە.

بەشی بکە لە
Previous Next
Close
Test Caption
Test Description goes like this