روونکردنەوەییەک لە مه‌لبه‌ندی رێكخستنی سلێمانیه‌وه‌

0
302

SNN

مەڵبەندی رێکخستنی سلێمانی لە روونکردنەوەيەکدا بڵاويکردەوە: داوا لە خوێندکاران دەکەین رێگه‌ نه‌دەن کە گردبوونەوە و نارەزاییەکانیان به‌ لاڕێدا ببرێت و بۆ مه‌رامی تر به‌كار بهێنرێت، داواش له‌ ده‌زگا ئه‌منییه‌كان ده‌كه‌ین چاوكراوه‌ بن له‌ به‌ لارێدا بردنی خۆپیشاندانی خوێندكاران.

دەقی روونکردنەوەکە:

له‌ سه‌ره‌تاى ده‌ست پێكردنی ناره‌زایی به‌شێك له‌ خوێندكارانی زانكۆی سلێمانییه‌وه‌ وه‌ك مه‌ڵبه‌ندى رَِیكخستنی سلێمانی پشتگیریی تەواوی ماف و داوا رەواکانی خوێندكارانمان كردوه‌.ئیداره‌ى به‌شه‌ ناوخۆییه‌كانی زانكۆشمان ئاگادار كردوه‌ كه‌ ئه‌مساڵیش وه‌كو ساڵانی پێشوو هاوكاریان ده‌بین له‌ دابینكردنی پێداویستی به‌شه‌ ناوخۆییه‌كانی زانكۆكان ،به‌ تایبه‌تیش زانكۆی سلێمانی .

لێره‌وه‌ جارێكی تر پشتگیری خۆمان بۆ داوا رەواکانیان دووپات ده‌كه‌ینه‌وه‌ و داوایان لێدەکەین رێگه‌ نه‌دەن کە گردبوونەوە و نارەزاییەکانیان به‌ لاڕێدا ببرێت و بۆ مه‌رامی تر به‌كار بهێنرێت كه‌ له‌ كۆتاییدا نەک هەر به‌ قازانجی ئه‌وان ناشكێته‌وه‌،به‌ڵكو به‌ پێچه‌وانه‌وه‌ له‌ ڕه‌وایه‌تی داواكانیان كه‌م ده‌كاته‌وه‌ .

داواش له‌ ده‌زگا ئه‌منییه‌كان ده‌كه‌ین كه‌ وێڕاى پاراستنی گیانی هه‌موو لایه‌ك چاوكراوه‌ بن له‌ به‌ لارێدا بردنی خۆپیشاندانی خوێندكاران.

به‌ پێویستی ده‌زانین بە بیری هه‌موو لایه‌كی بهێنینه‌وه‌ کە خوێندکاران و هیزە ئەمنییەکان بە رۆلە و کچ و کوری خۆمان دەزانین و ئازار دانی هەر لایەک لە لایەکەیترەوە بە ئازاردانی هەموو خەلکی شار دادەنێین و هەروەها ڕووكردنه‌ بیناى مه‌ڵبه‌ند و دامودەزگا حزبی خزمەتگوزارییەکان و هه‌وڵی زیان پێگه‌یاندنىان نە ئێستا و نە لەرابوردوشدا هیچ ده‌سكه‌وتێكی پیشه‌یی بۆ کەس نەبووە و بە دڵنیایشەوە بۆ خوێندکارانیشی نابێت، به‌لّكو ته‌نها ئارامی شار ده‌شێوێنێت و ناوبانگی توێژى ڕۆشنبیریى خوێندكاران له‌ كه‌دار ده‌كات .

مه‌ڵبه‌ندى رێكخستنی سلێمانی ( ى.ن.ك) ان

 

بەشی بکە لە
Previous Next
Close
Test Caption
Test Description goes like this