ئەمڕۆ ئەنجومەنی وەزيران کۆدەبێتەوە و خۆپيشاندانی خوێندکاران تاوتوێدەکات

0
132
SNN
بڕيارە ئەمڕۆ ئەنجومەنی وەزيرانی حکومەتی هەرێم کۆببێتەوە و تاوتوێی خۆپيشاندانەکانی چەند رۆژی رابردووی خوێندکاران بکات و لە بەرژەوەندی ئەوان بڕياربدات.
دوێنێ، دانا عەبدولکەریم وەزیری ئاوەدانکردنەوە و نیشتەجێکردنی هەرێم لە لێدوانێکیدا بۆ میدیای حزبەکەی وتی: “سبەی چوارشەممە (24/11/2021) ئەنجومەنی وەزیرانی هەرێم کۆدەبێتەوە و بەشێکی گرنگی ئەجێندای کۆبونەوەکە تایبەت دەبێت بە خۆپیشاندانەکانی چەند رۆژی رابردوی خوێندکارانی زانکۆ و پەیمانگاکان”.
هاوکات ئەوەی خستەڕوو: “هەموو هەوڵەکان بە ئاڕاستەی ئەوەن ئەنجومەنی وەزیرانی هەرێم لە بەرژەوەندی خوێندکاران بڕیاربدات کە داواکاری سەرەکی خوێندکارانی زانکۆ و پەیمانگاکان خەرجکردنی دەرماڵەی خوێندنە”.
لە چەند رۆژی رابردوودا خوێندکارانی زانکۆ و پەیمانگاکان لە سلێمانی و هەولێر و دهۆک خۆپیشاندانیان ئەنجامدا و داوایانکرد دەرماڵەيان بۆ خەرجبکرێت.
بەشی بکە لە
Previous Next
Close
Test Caption
Test Description goes like this