كاروان ئەنوەر نازناوی دۆست و خەمخۆری رۆژنامەنووسان لە قوباد تاڵەبانی دەنێین

0
363

SNN-عەلی حەمە سەعید

سكرتێری لقی سلێمانی سەندیكای ڕۆژنامەنوسانی كوردستان ئاماژە بەوەدەكات دوای دەستگیكردنی ژمارەیەك لە ڕۆژنامەنوسان و دەستبەسەرداگرتنی كەلوپەلەكانیان، بە هەوڵی قوباد تاڵەبانی هەمیشە خەمخۆری ڕۆنامەنووسان بووە سەرجەمیان ئازادكران، بۆیە دەخوازین كەوەك ڕابردوو بەردەوام لە خەمی ڕۆژنامەنوساندا بێت، بۆیە بە ئەركی خۆمانی دەزانین كە ئێمەش نازناوی دۆست و خەمخۆری رۆژنامەنووسانی لێدەنێین.

كاروان ئەنوەر، سكرتێری لقی سلێمانی سەندیكاری ڕۆژنامەنوسانی كوردستان بە SNNی ڕاگەیاند: لەسەرەتای دەستپێكردنی خۆپیشاندانی خوێندكارانی سلێمانی و شارو شارۆچكەكانی ترو پاشان گۆڕینی رێچكەی خۆپیشاندان بەرەو ئاقاری توندوتیژی و سووتاندنی بارەگاو فەرمانگەكان، پاشان دەستگیكردنی چەند ڕۆژنامەنوسێك و دەستبەسەرداگرتنی كەلوپەلەكانیانی لێكەوتەوە، بەڵام وەك هەمیشە (قوباد تاڵەبانی) جێگری سەرۆكی حكومەت لەسەر خەت بوو بۆ ئازادكردنی ئەو ڕۆژنامەنووسانە.

ئاماژەی بەوەشكرد، (قوباد تاڵەبانی) جیگری سەرۆكی حكومەتی هەرێم هەمیشە هاوكار و خەمخۆری ڕۆژنامەنووسان بووە، بۆیە هەر ئەمڕۆ بەهەوڵ و هاوكاریەكانی جێگری سەرۆكی حكومەت سەرجەم ئەو ڕۆژنامەنووسانە ئازادكران كە دوێنێ‌ لە خۆپیشاندانەكاندا دەستگیركرابوون.

سكرتێری لقی سلێمانی سەندیكای ڕۆژنامەنوسانی كوردستان جەختی لەوەشكردەوە، وەك لقی سلێمانی سەندیكای رۆژنامەنووسانی كوردستان سوپاس و پێزانینی خۆمان ئاڕاستەی (قوباد تاڵەبانی) دەكەین، چونكە هەمیشە هاوڕێی دڵسۆزی رۆژنامەنووسان بووە، بۆیە بە ئەركی خۆمانی دەزانین كە ئێمەش نازناوی دۆست و خەمخۆری رۆژنامەنووسانی لێدەنێین.

بەشی بکە لە
Previous Next
Close
Test Caption
Test Description goes like this