نیویۆرک تایمز: گرژییەکانی نێوان ئەمریکا و ئێران کەمبوونەتەوە
SNN
رۆژنامەی نیویۆرک تایمزی ئەمریکی نوسیویەتی، گرژییەکانی نێوان ئەمریکا و ئێران لە خاکی عێراق کەمبوونەتەوە، ئێرانیش فەرمانی بە چەکدارەکانی نزیکی کردووە چیتر هێرشی موشەکی نەکەنە سەر هێزەکانی ئەمریکا.
رۆژنامەکە نوسیویەتی، لەدوای چەندین ساڵ لە گرژی نێوان ئەو دوو وڵاتە، کە گەیشتبووە ئاستێک کە مەترسی سەرهەڵدانی جەنگی لێدەکرا، ئێستا ئێران هەڵسوکەوتەکانی گۆڕیووە، سیاسەتی ئیستیفزازی گۆڕیووە بۆ هەماهەنگییەکی سنوردار.
نیویۆرک تایمز، وەرگرتنی پۆستی سەرۆک وەزیران لەلایەن مستەفا کازمییەوە بە هۆکاری کەمکردنەوەی گرژییەکانی نێوان ئێران و ئەمریکا دەزانێت، لەکاتێکدا ئێران پشتگیری لە کازمی دەکات.
ئەوەشی خستووەتەڕوو، کەمبوونەوەی گرژییەکانی نێوان ئەو دوو وڵاتە لە بەرژەوەندی دۆناڵد ترەمپە لەکاتێکدا بۆ هەڵبژاردنی مانگی تشرینی دووەمی داهاتوو خۆی بۆ پۆستی سەرۆکی ئەمریکا کاندیدکردووە.
ئەمە لەکاتێکدایە تا ئێستا ئێران و ئەمریکا بە فەرمی هیچ لێدوانێکیان نەداوە کە ئاماژەبێت بۆ گۆڕینی سیاسەتیان دژ بە یەکتری.
پەرەپێدراوە و دروستکراوە